સાઉથ ઈન્ડિયન અને બોલિવૂડ ફિલ્મ ઈન્ડસ્ટ્રીની જાણીતી એક્ટ્રેસ તમન્ના ભાટિયા હાલ તેના સ્વયંવર પર આવેલાં નિવેદનને કારણે ઘણી ચર્ચામાં છે. તેણે જણાવ્યું કે, જો તેનું સ્વયંવર યોજાય તો તે કયા ત્રણ એક્ટર્સને તેના સ્વયંવરમાં જોવા માંગે છે.
તમન્ના ભાટિયા તેના નિવેદનને લીધે છે ચર્ચામાં
રિતીક રોશન માટે આ પોલિસી તોડવા તૈયાર
તેના સ્વયંવરમાં આ ત્રણ એક્ટર્સને જોવા માંગે છે
હકીકતમાં તમન્ના ભાટિયાથી એક ઈન્ટરવ્યૂમાં સવાલ પૂછવામાં આવ્યો કે, જો તેનું સ્વયંવર યોજાય તો એ કયા ત્રણ સ્ટાર્સને સ્વયંવરમાં જોવા માંગે છે. આ સવાલ પર તમન્નાએ કહ્યું કે, એ તેના સ્વયંવરમાં રીતિક રોશન, વિક્કી કૌશલ અને પ્રભાસને જોવા માંગે છે.
It was wonderful meeting @iHrithik. You've always inspired and continue to do. Will always cherish this moment & the photo. Super happy! pic.twitter.com/wl7hPDaEkF
આગળ તમન્નાએ કહ્યું તે ઓનસ્ક્રીન કિસિંગ પોલિસીને ફોલો કરે છે અને તેના કોન્ટ્રાક્ટમાં પણ એ લખેલું છે પરંતુ રીતિક રોશનની સાથે જો તેને કોઈ ફિલ્મ કરવાની તક મળે અને રિતીક હા પાડે તો તે આ પોલિસીને તોડી પણ શકે છે અને રિતીક સાથે કિસિંગ સીન કરવામાં તેને કોઈ જ વાંધો નથી.
તમને જણાવી દઈએ કે, તમન્ના રીતિક રોશનની બહુ મોટી ફેન છે. તેણે રીતિક સાથેની તેની મુલાકાત વિશે જણાવ્યું કે, હું થોડાં સમય પહેલાં જ રીતિક રોશનને મળી હતી, હકીકતમાં હું તેની સાથે ટકરાઈ ગઈ હતી. પછી મેં તેમને કહ્યું કે હું તમારી બહુ મોટી ફેન છું, તમને મળીને ખૂબ જ આનંદ થયો. તો રીતિકે કહ્યું ઓકે. ત્યારબાદ તે આગળ જવા લાગ્યો પછી પાછળ વળીને જોયું અને તમન્નાને પૂછ્યું શું તમારે મારી સાથે એક ફોટો ક્લિક કરવી છે. તો મેં તરત જ હાં પાડી દીધી. તમન્ના અને રીતિકની આ તસવીર સોશિયલ મીડિયા પર ખૂબ વાયરલ થઈ હતી.
વર્કફ્રંટની વાત કરીએ તો તમન્ના તેની અપકમિંગ ફિલ્મ બોલે ચૂડિયામાં જોવા મળશે. આ ફિલ્મમાં તમન્નાની સાથે નવાઝુદ્દીન સિદ્દીકી લીડ રોલમાં જોવા મળશે. સાથે જ તમન્ના તેલૂગુ ફિલ્મ સીટીમારમાં પણ જોવા મળશે. આ બંને ફિલ્મો આ જ વર્ષે રિલીઝ થશે.