સંયુક્ત રાષ્ટ્ર / તાલિબાનને લઈ પાકિસ્તાન અને ચીનના બધા પ્રયાસો ફેલ, UNમાં અફઘાનિસ્તાનનું પ્રતિનિધિત્વ જાણો કોણ સંભાળશે

• UNમાં તાલિબાનને નહી મળે એન્ટ્રી 
• પાકિસ્તાન અને ચીનની દરેક ચાલ નાકામ 
• પૂર્વ રાષ્ટ્રપતિ અશરફ ગનીની સરકાર કરશે પ્રતિનિધિત્વ 

સંયુ્કત રાષ્ટ્રમાં એટેલે કે UNમાં તાલિબાનની એન્ટ્રીને લઈને પાકિસ્તાન અને ચીનના બધાજ પેંતરાઓ નિષ્ફળ રહ્યા છે. સંયુક્ત રાષ્ટ્ર દ્વારા તાલિબાની સરકારને મહાસભામાં સંબોધિત કરવા માટે કોઈ નિર્ણય લેવામાં નથી આવ્યો. જેને કારણે પાકિસ્તાન અને ચીનના બધા પ્રયાસો નિષ્ફળ નિવડ્યા છે. 

પશ્ચિમી દેશોનો કડક વીરોધ 

જો યુએન ફોરમમાં તાલિબાનને તેની વાત મુકવાનો ચાન્સ આપવામાં આવે તો તેનો સીધો મતલબ એ નીકળે છે કે તાલિબાનને પૂરી દુનિયાએ માન્યતા આપી દીધી. જેથી પશ્ચિમી દેશો દ્વારા તો આ નિર્ણયનો શખત વિરોધ કરવામાં આવી રહ્યો છે. 

ચીન અને પાકિસ્તાનના દરેક પ્રયાસ નિષ્ફળ 

હવે એ વાત સ્પષ્ટ થઈ ચુકી છે કે તાલિબાનને યુએન જનરલ સેક્રેટરીમાં શામેલ કરવા મુદ્દે ચીન અને પાકિસ્તાન નિષ્ફળ નિવડ્યા છે. અફઘાનિસ્તાનના પૂર્વ રાષ્ટ્રપતિ અશરફ ગનીની સરકારને યુએનમાં માન્યતા મળી છે. તેમણે અમેરિકાના રાષ્ટ્રપતિ જો બાઈડેનના શેસનમાં પણ ભાગ લીધો હતો. 

અશરફગનીની સરકાર કરશે પ્રતિનિધિત્વ 

15 સપ્ટેમ્બરના રોજ સંયુક્ત રાષ્ટ્ર મહાસચિવ એંટોનિયોએ ગુટેરેસ ને વર્તમાન અફઘાન દૂત ગુલામ ઈસાકજઈનો પત્ર મળ્યો હતો. જેમા તેમણે કહ્યું હતું કે તેઓ અને તેમની ટીમ યુએન મહાસભાની બેઠકમાં પ્રતિનિધિત્વ કરશે. બીજી તરફ 20 સપ્ટેમ્બરે તાલિબાનના નિયંત્રણ વાળા અફઘાન વિદેશ મંત્રાલયે પણ પત્ર લખ્યો હતો. જેમા તેમણે મહાસભામાં ભાગ લેવાની અનુમતી માગી હતી. 

તાલિબાન સભામાં નહી તઈ શકે શામેલ 

ઉલ્લેખનીય છે કે જ્યા સુધી તાલિબાનને યુએન માન્યતા નથી આપતું ત્યા સુધી તે સભામાં શામેલ નહી તઈ શકે. સાથેજ ભારત દ્વારા પણ એવી માગ કરવામાં આવી છે કે અફઘાનિસ્તાનની પૂર્વ સરકારના પ્રતિનિધિઓનેજ સભામાં બોલાવામાં આવે.