અફઘાનિસ્તાન કટોકટી / તાલિબાનની 'શાખ' બચાવી અમેરિકાએ, એરસ્ટ્રાઈક ન કરી હોત તો શું થયું હોત, કર્યો મોટો ઘટસ્ફોટ

• કાબુલમાં રોકેટ છોડ્યું હોવાની અમેરિકાએ પુષ્ટિ કરી 
• ISIS ના આતંકીને ઠેકાણે પાડવા અમેરિકાએ એરસ્ટ્રાઈક કરી
• આત્મઘાતી હુમલાખોર કાબુલ એરપોર્ટને ઉડાવવા જઈ રહ્યો હતો
• કાબુલ એરપોર્ટને ઉડાવી મૂકે તે પહેલા અમેરિકાએ પાડી દીધો ઠેકાણે 

અમેરિકાએ કહ્યું કે આત્મઘાતી હુમલાખોર કાબુલ એરપોર્ટને ઉડાવી દેવા માગતો હતો. અમારી પાસે તેની ગુપ્ત માહિતી હતી. હુમલાખોર તેના કામને અંજામ આપે તે પહેલા તેને નિશાન બનાવીને રોકેટ છોડવામાં આવ્યું હતું જેમાં તે માર્યો ગયો હતો. અમેરિકાનું કહેવું છે કે જો એરસ્ટ્રાઈક ન કરી હોત તો આત્મઘાતી હુમલાખોરે કાબુલ એરપોર્ટને ઉડાવી મૂક્યું હતું. 

શંકાસ્પદ આતંકવાદીને નિશાન બનાવવામાં આવ્યો: યુએસ અધિકારી
બીજી તરફ અમેરિકાના બે અધિકારીઓએ નામ ન આપવાની શરતે ન્યૂઝ એજન્સી રોઇટર્સને જણાવ્યું કે આ હુમલો અમેરિકાએ ISIS-K ના શંકાસ્પદ આતંકવાદીને નિશાન બનાવવા કર્યો છે.  તેમણે એમ પણ કહ્યું કે આ તો માત્ર શરૂઆત છે.  

Watch: The latest blast heard in Kabul was a rocket that "initial information shows hit a house,” AFP reports, citing a security official. https://t.co/5MyFBUIQcC pic.twitter.com/hgTmlNIsOd

— Al Arabiya English (@AlArabiya_Eng) August 29, 2021

અમેરિકાએ એરસ્ટ્રાઈક કરીને આઈએસના આત્મઘાતીને ઠેકાણે પાડ્યો 

કાબુલ એરપોર્ટ પર થયેલા હુમલા બાદ તાલિબાન અને અમેરિકી અધિકારીઓએ દાવો કર્યો હતો કે અમેરિકાએ એરસ્ટ્રાઈક કરીને તેને ઠેકાણે પાડી દીધો હતો. 

અફઘાનિસ્તાનની રાજધાની કાબુલમાં રવિવારે થયેલા અન્ય બ્લાસ્ટથી સનસનાટી મચી ગઈ હતી. શરૂઆતમાં તેને આતંકવાદી હુમલો માનવામાં આવતો હતો, પરંતુ અમેરિકાએ કહ્યું કે આ તેમનું લશ્કરી ઓપરેશન છે. અધિકારીઓએ કહ્યું કે અમેરિકાએ ઇસ્લામિક સ્ટેટના ખોરાસન મોડ્યુલથી આતંકવાદીઓને નિશાન બનાવ્યા છે. સેનાએ તેને આત્મરક્ષણમાં હુમલો ગણાવ્યો હતો.

આ પહેલા ન્યૂઝ એજન્સી એપીએ અમેરિકી અધિકારીઓને ટાંકીને કહ્યું હતું કે રોકેટ કેટલાક ઇસ્લામિક સ્ટેટ ફિદાયીન હુમલાખોરો ધરાવતા વાહન પર છોડવામાં આવ્યું હતું અને તે કાબુલ એરપોર્ટ પર અમેરિકન નાગરિકો પર હુમલો કરવાના હતા. તાલિબાને પણ આવું જ કહ્યું છે. 

અધિકારીઓએ જણાવ્યું હતું કે રોકેટ ઈસ્લામિક સ્ટેટ ખોરાસનના આતંકવાદીને નિશાન બનાવવા માટે છોડવામાં આવ્યું હતું, જે આતંકવાદી સંગઠન છે જે પશ્ચિમી દેશો અને તાલિબાન બંનેનું દુશ્મન છે અને એરપોર્ટ નજીક ગુરુવારના હુમલા માટે જવાબદાર છે. તે ફિદાયીન હુમલામાં 13 અમેરિકન સૈનિકો ઉપરાંત 150 થી વધુ લોકો માર્યા ગયા હતા.