અફઘાનિસ્તાનનો છેલ્લો ન જીતાયેલો વિસ્તાર પંજશીર પર કબજો કરી લીધો હોવાનો દાવો તાલિબાને કર્યો છે.
તાલિબાને રવિવારે કર્યો દાવો
પંજશીર ઘાટી પર કબજાનો દાવો
અત્યાર સુધી પંજશીર તાલિબાનની પકડથી દૂર હતું
તાલિબાનનું હવે પૂરા અફઘાનિસ્તાન પર નિયંત્રણ-પ્રવક્તા
તાલિબાની પ્રવક્તાએ રવિવારે દાવો કર્યો કે અમે અફઘાનિસ્તાનનો છેલ્લો ન જીતાયેલા પ્રદેશ પંજશીર ઘાટી પર કબજો કરી લીધો છે. પ્રવક્તાએ ઉમેર્યું કે પંજશીરના પોલીસ હેડક્વોર્ટર તથા તમામ ઓફિસોને કબજામાં લઈ લેવાઈ છે.
પૂરા અફઘાનિસ્તાન પર હવે અમારુ રાજ-તાલિબાન
જો તાલિબાનના દાવાને સાચો માનવામાં આવે તો 20 દિવસ બાદ પંજશીર ઘાટીનો કબજો લઈ લીધો છે. પંજશીરને ટકાવી રાખનાર અને ત્યાંથી તાલિબાનની સામે લડનાર નોર્ધન એલાયન્સનું હજુ સુધી કોઈ નિવેદન આવ્યું નથી.
ગોળીબારમાં 70 લડાકૂઓ માર્યા ગયા-પ્રવક્તા
તાલિબાને કહ્યું કે અમારી ફોજ પંજશીરમાં પહોંચી ચૂકી છે. અમારા ગોળીબારમાં 70 લડાકૂઓ માર્યા ગયા છે.
અફઘાનિસ્તાનમાં સત્તા માટે યુદ્ધ ફાટી નીકળ્યું છે. અફઘાનિસ્તાનમાં કથળતી પરિસ્થિતિ પર અમેરિકી સેનાના જનરલ માર્ક મિલીએ જણાવ્યું હતું કે,અફઘાનિસ્તાનમાં ગૃહ યુદ્ધ ફાટી શકે છે. અહીં સત્તા માટેની લડાઈ ખતરનાક તબક્કે પહોંચી ગઈ છે. આતંકવાદી સંગઠનોને લાભ મળી રહ્યો છે અને તેઓ ફરીથી માથું ઉચું કરવાનો પ્રયાસ કરી રહ્યા છે. તેમણે ચેતવણી આપી હતી કે આતંકવાદી જૂથો ફરી માથું ઉચું કરી શકે છે. અલ-કાયદા ફરી સંગઠિત થઈ શકે છે, ISIS અને અન્ય આતંકવાદી સંગઠનોની પ્રવૃત્તિઓ પણ વધી શકે છે.
પંજશીરમાં 700 તાલિબાનીઓ મર્યા હોવાનો દાવો
કેટલાક દિવસોથી ચાલી રહેલા લોહિયાળ ખૂની ખેલ વચ્ચે શનિવારે પંજશીરના લડવૈયા સામે તાલિબાનને લીધેલી ટક્કર ભારે પડી અને લગભગ 700 થી વધુ તાલિબાનીઓ મોતના ઘાટ ઉતર્યા હતાં. પંજશીર ફોર્સનો દાવો છે કે, તેઓએ શનિવારના યુદ્ધમાં લગભગ 700 થી વધુ તાલિબાનીઓને મોતને ઘાટ ઉતાર્ય હતાં. તેમજ 600 જેટલાને કેદ કરી દેવામાં આવ્યાં હતાં. પંજશીરની રાજધાની બાજારક અને પ્રાંતીય ગવર્નરના પરિસર જવા વાળા રસ્તાઓ પર લેંડમાઈન હોવાથી તેઓ આગળ વધી શક્યા નથી.
600 તાલિબાનીઓને બનાવ્યા બંધક
પંજશીર પ્રાંતમાં તાલિબાન વિરોધી બળોનું નેતૃત્વ કરી રહેલા અહમદ મસૂદે એક ઓડિયો સંદેશમાં જણાવ્યું છે હતું કે, 700થી વધુ તાલિબાનીઓ મરી ગયાં છે. અને 600 તાલિબાનીઓને પકડી લેવામાં આવ્યાં છે.જ્યારે બાકીએ ભાગવાની કોશિશ કરી રહ્યાં છે. મસૂદે સંદેશમાં વધુ જણાવ્યું હતું કે, અમે ફ્રન્ટ લાઇન પર છીએ, બધું આયોજન બધ્ધ છે અમે સમગ્ર પ્રાંતને નિયંત્રિત કરી રહ્યા છીએ.