ખતરનાક / તાલિબાનીઓનું આ પગલું આખી દુનિયાને ભારે પડશે, ખૂંખાર 2300 આતંકીઓ છોડી મૂક્યા

• અફગાનિસ્તાનમાં બંધ 2300 ખૂંખાર આતંકીઓને છોડી મુક્યા
• તાલિબાનીઓનું આ પગલું આખી દુનિયાને ભારે પડી શકે 
• કાબુલની જેલમાં બંધ હતા આતંકીઓ

તાલિબાને અફગાનિસ્તાનમાં સત્તામાં આવતાની સાથે જ મોટો નિર્ણય લીધો છે. તેમણે અફગાનિસ્તાનમાં બંધ 2300 ખૂંખાર આતંકીઓને છોડી મુક્યા છે. તેમાં ટીટીપીના ડેપ્ટી ચીફ ફકીર મોહમ્મદને પણ જેલમાંથી બહાર કાઠી દીધા છે. છોડી મૂકવામાં આવેલા આતંકીઓ તહરીક એ તાલિબાન, અલ કાયદા અને આઈએસઆઈએસના છે. આ બધા અફગાનિસ્તાનની અલગ અલગ જેલોમાં બંધ હતા. 

કાબુલની જેલમાં બંધ હતા આતંકીઓ
મળેલી જાણકારી અનુસાર તેમાંથી અમુક કેદી ગયા અઠવાડીએ જ કાબુલ પર કબ્જો કર્યા બાદ છોડી મુકવામાં આવ્યા હતા. આ લોકો કંધાર, બગરામ અને કાબુલની જેલમાં બંધ હતા. મોલવી ફકીર મોહમ્મદની વાત કરવામાં આવે તે તે ટીટીપીના પૂર્વ ડિપ્ટી ચીફ છે. તેમનું છુટવું પાકિસ્તાનની સાથે સાથે અફગાનિસ્તાન માટે પણ ચિંતાની વાત છે. 

રાષ્ટ્રપતિ દેશ છોડીને ભાગી ચુક્યા છે
જણાવી દઈએ કે તાલિબાનને 15 ઓગસ્ટ 2021એ કાબુલમાં પ્રવેશની સાથે જ એક પ્રકારે સમગ્ર અફગાનિસ્તાન પર જ કબ્જો કરી લીધો છે. અફગાનના રાષ્ટ્રપતિ અશરફ ગની પણ દેશ છોડીને ભાગી ચુક્યા છે. એવી પણ ખબર હતી કે 72 વર્ષીય રાષ્ટ્રપતિ અશરફ ગની નકદથી ભરેલું હેલિકોપ્ટર લઈને કાબુલથી ભાગ્યા હતા. તાલિબાનના કબ્જા બાદ અફગાનિસ્તાનમાં ભાગ દોડ મચી ગઈ છે અને ડરનો માહોલ છે. લોકો કોઈ પણ પ્રકારે અફગાનિસ્તાનથી નિકળવા માંગે છે.