અફઘાનમાં નવી સરકારની રચના અંગે તાલિબાને નિવેદન આપ્યું છે. તાલિબાની નેતા ઝબીહુલ્લાહ મુજાહિદીએ દાવો કર્યો છે કે અફઘાનમાં ટૂંક સમયમાં નવી સરકારની રચના થઈ જશે.
ઝબીહુલ્લાહ મુજાહિદીનો દાવો
ટૂંક સમયમાં થશે અફઘાનમાં નવી સરકારની રચના
અફઘાનમાં નવી સરકારની રચના અંગે ટૂંક સમયમાં નિર્ણય લેવાશે
તાલિબાનના વક્તા જબીઉલ્લાહ મુજાહિદ ને ટોલો ન્યુઝે કહ્યું હતું કે અફઘાનમાં નવી સરકારની રચના અંગે ટૂંક સમયમાં નિર્ણય લેવાશે. હાલમાં તારીખ અને દિવસ નક્કી કરાયો નથી આ અંગે વાતચીત ચાલી રહી છે. સૂત્રો અનુસાર બે થી ત્રણ દિવસની અંદર તાલિબાન સરકાર બનાવે છે.
જી-7 દેશોમાં કેનેડા, ફ્રાન્સ, જર્મની, બ્રિટન, અમેરિકા, ઈટાલી તથા જાપાન સહિત 7 દેશો સામેલ છે. 24 ઓગસ્ટે જી-7 દેશોની બેઠક બોલાવવાની જાહેરાત કરતા બ્રિટીશ પ્રધાનમંત્રી જોન્સને કહ્યું કે 20 વર્ષોથી સતત સંકટનો સામનો કરી રહેલા અફઘાનિસ્તાનને તાકીદની મદદની જરુર છે. ત્યાં ચાલી રહેલા રાજકીય સંકટને ખતમ કરવા માટે લોકોએ એકજૂટ થવું પડશે.
બ્રિટનના પ્રધાનમંત્રીએ કહ્યું કે અફઘાનિસ્તાન સંકટમાં છે ત્યારે વિશ્વ સમુદાયે પણ તેની મદદે આગળ આવવું જોઈએ. ત્યાંના લોકોએ પણ એકજૂટતાથી સામનો કરવો પડશે.
લડ્યા વગર અફઘાની સેનાએ આત્મસર્મપણ કરી દીધું-અફઘાની રાજદૂત
અફઘાનિસ્તાનના તઝાકિસ્તાનના રાજદૂત મોહમ્મદ જહીર અગબરે જણાવ્યું કે અફઘાનની પાસે અમેરિકા દ્વારા પ્રશિક્ષિક સેના હતી, તાલિબાની લડાકૂઓ તાલીમબદ્ધ નહોતા. તાલિબાનની બીકને કારણે અશરફ ગની દેશ છોડીને ભાગી ગયા તે મોટો મુદ્દો છે. અશરફ ગનીએ કોઈ પણ જાતની લડાઈ વગર આત્મસમર્પણ કરી દીધું.