કુટનીતિ / UNના માનવીય બાબતોના પ્રમુખે તાલિબાન નેતા સાથે કરી મુલાકાત, આપ્યો અફઘાનિસ્તાનને મદદનો ભરોસો

• માર્ટિન ગ્રિફિથ્સે મુલ્લા બરાદરની મુલાકાત બાદ ટ્વીટ કરી
• 3 દિવસના પ્રવાસ પર પહોંચ્યા રેડ ક્રોસના પ્રમુખ
•  બરાદર ઘાયલ થયો હોવાના સમાચાર

માર્ટિન ગ્રિફિથ્સે મુલ્લા બરાદરની મુલાકાત બાદ ટ્વીટ કરી

કાબુલના વિદેશ મંત્રાલયમાં થયેલી આ મુલાકાત દરમિયાન માર્ટિન ગ્રિફિથ્સે કહ્યું કે સંયુક્ત રાષ્ટ્ર અફઘાનિસ્તાનની સાથે પોતાનું સમર્થન અને સહયોગ જારી રાખશે.  માનવીય મામલા અને ઈમરજન્સી રાહત સમન્વયક માટે સંયુક્ત રાષ્ટ્રના અવર મહાસચિવ માર્ટિન ગ્રિફિથ્સે મુલ્લા બરાદરની મુલાકાત બાદ ટ્વીટ કરી. તેમણે લખ્યું કે હું અફઘાનિસ્તાનમાં લાખો જરુરીયાતમંદ લોકોને નિષ્પક્ષ માનવીય સહાયતા અને સુરક્ષા પ્રદાન કરવા માટે સંયુક્ત રાષ્ટ્રની પ્રતિબદ્ધતાની ખરાઈ કરવા માટે તાલિબાનના નેતૃત્વ સાથે મુલાકાત કરી.

I met with the leadership of the Taliban to reaffirm @UN’s commitment to deliver impartial humanitarian assistance & protection to millions in need in #Afghanistan. https://t.co/CK0bO7dKhY pic.twitter.com/akB6MxOarg

— Martin Griffiths (@UNReliefChief) September 5, 2021

3 દિવસના પ્રવાસ પર પહોંચ્યા રેડ ક્રોસના પ્રમુખ

રેડ ક્રોસની આંતરરાષ્ટ્રીય સમિતિ (ICRC) ના પ્રમુખ પીટર મૌરર અફઘાનિસ્તાનના 3 દિવસ પ્રવાસ પર પહોંચી ગયા છે. રવિવારે અફઘાનિસ્તાન પહોંચ્યા બાદ પીટરની યોજના ચિકિત્સા સુવિધાઓ અને હિંસાના શિકાર લોકો માટે બનાવવામાં આવેલા પુનર્વાસ કેન્દ્રોની મુલાકાત કરશે. આ ઉપરાંત  તે ICRCના કર્મચારીઓની પણ મુલાકાત કરશે, ICRCના પ્રમુખ અફઘાનિસ્તાનના સ્થાનીય અધિકારીઓની સાથે મુલાકાત પણ કરશે.

 બરાદર ઘાયલ થયો હોવાના સમાચાર

જો કે રવિવારે હક્કાની નેટવર્કના નેતા અનસ હક્કાની અને ખલીલ હક્કાનીની તાલિબાનના નેતા મુલ્લા બરાદર અને મુલ્લા યાકુબની સાથે અથડામણ થયાના સમાચાર આવ્યા હતા. જેમાં દાવો કરવામાં  આવ્યો હતો કે આ અથડામણમાં હક્કાની જૂથ તરફથી ચાલેલી ગોળીમાં બરાદર ઘાયલ થયો છે. મનાઈ રહ્યું છે કે હક્કાની નેટવર્ક સરકારમાં મોટી ભાગીદારી અને રક્ષા મંત્રીનું પદ માંગી રહ્યો છે. જ્યારે તાલિબાન આટલું આપવા તૈયાર નથી. જો કે બન્ને આ દાવાની ખરાઈ થઈ શકી નથી.

તાલિબાનને કેટલાક વિમાનોના ઉડાન ભરતા રોક્યા

અફઘાનિસ્તાનમાં સેંકડો લોકો બીજા દેશોમાં લઈ જનારા 4 વિમાનોને તાલિબાને ઉડાન ભરતા રોક્યા હતા. જેને લઈને વિરોધાભાસી સમાચારા આવ્યા હતા. જેમાં અમેરિકા પર અફઘાનથી નિકળવા માંગતા લોકો દબાણ કરી રહ્યા છે. ત્યારે અફઘાનનના મજાર એ શરીફ એરપોર્ટના એક અધિકારીએ જણાવ્યું કે મુસાફરી કરનારા લોકો અફઘાનિ નાગરિક હતા અને તેમની પાસે વીઝા કે પાસપોર્ટ નહોંતો જેના કારણે તેઓને દેશ છોડતા રોકવામાં આવ્યા હતા.