અફઘાનિસ્તાનમાં અફરાતફરીનો માહોલ છે. તાલિબાન લીડર અબ્દુલ બરાદરે પાકિસ્તાની દૂતાવાસની મુલાકાત લીધી હોવાનો 2019નો એક વીડિયો સોશિયલ મીડિયામાં વાયરલ થઈ રહ્યો છે.
તાલિબાનોની સત્તા બાદ 2019નો વીડિયો વાયરલ
પાકિસ્તાની દૂતાવાસની મુલાકાત લઈ રહ્યા છે તાલિબાની અધિકારીઓ
તાલિબાન અને પાકિસ્તાનનું કનેક્શન હોવાની અનેક અટકળો થઈ વહેતી
આ વીડિયોમાં જોવા મળી રહ્યું છે કે, તાલિબાનોએ અફઘાનિસ્તાનમાં આવેલા પાકિસ્તાની દૂતાવાસની મુલાકાત લીધી હતી. આ મુલાકાતને પગલે ઘણી અટકળોએ જન્મ લીધો છે. અફઘાનિસ્તાનનાં તાલિબાની લીડર બરાદરે પાકિસ્તાની અધિકારીઓની મુલાકાત લીધી હતી. 2019માં થયેલી આ મુલાકાત અંગેનો એક વીડિયો સોશિયલ મીડિયામાં વાયરલ થયો છે.
બરાદરે પાકિસ્તાની અધિકારીઓની મુલાકાત લીધી
તાલિબાનોના વડા બરાદરની આ મુલાકાત બાદ તાલિબાનો પાછળ પાકિસ્તાનનો હાથ હોવાનું સ્વભાવિક રીતે જ સમજી શકાય છે.
ચીન અને પાકિસ્તાન તાલિબાનના ફૂલ સપોર્ટમાં
અફઘાનિસ્તાનમાં તાલિબાની શાસન આવી ગયું છે ત્યારે એ વચ્ચે પાકિસ્તાનની પોલ ખૂલી ગઈ છે. ઉલ્લેખનીય છે કે અગાઉથી જ ચીન અને ખાસ કરીને પાકિસ્તાન તેમ જ તુર્કી જેવા પડોશી દેશો તાલિબાન શાસનને ઔપચારિક રૂપથી માન્યતા આપવા માટે સહમત છે. રવિવારે તાલિબાન કાબુમાં ઘૂસ્યું અને રાષ્ટ્રપતિ મહલ પર કબજો કરી લીધો છે. જેવું તાલિબાન દેશની રાજધાનીમાં દાખલ થયું કે રાષ્ટ્રપતિ અશરફ ગની દેશ છોડીને ભાગ્યા છે અને તઝાકિસ્તાન જવા રવાના થયા હતા. ત્યાં તેમના પ્લેનને લેન્ડ કરવાની પરવાનગી ન મળતા હવે તેઓ અમેરિકા જાય તેવી શક્યતા છે.
તાલિબાની અધિકારીઓ સાથે ચીને પણ કરી છે મુલાકાત
ચીનમાં ગત મહિને સરકારી મીડિયાએ કેટલીક તસવીરો જાહેર કરી હતી જેમાં વિદેશ મંત્રી વાંગ યી કો તાલિબાનના અધિકારીઓ સાથે મુલાકાત કરતા નજરે પડ્યા હતાં.