અફઘાનિસ્તાન / ખૂંખાર તાલિબાન આતંકવાદીઓને ખજાનો મળ્યો, હાથ લાગ્યા 3 અબજ રૂપિયા, જુઓ તસવીરો

• પાકિસ્તાન સીમા પર તાલિબાનને મળ્યા ત્રણ અબજ રૂપિયા  
• સેના પૈસા છોડીને ભાગી જે તાલિબાનના હાથ લાગ્યા 
• તાલિબાને સત્તાવાર નિવેદન જાહેર કર્યું 

છેલ્લા ઘણા સમયથી અમેરિકા અફઘાનિસ્તાન છોડીને નીકળી રહ્યું છે અને પોતાના સૈનિકોને પરત બોલાવી રહ્યું છે. આખા દેશ પર તાલિબાન પોતાનું સામ્રાજ્ય સ્થાપી રહ્યું છે જેના કારણે વિશ્વભરની ચિંતામાં વધારો થયો છે. એવામાં એક ચોકી પર કબજો કર્યા બાદ તાલિબાનના હાથે ખજાનો લાગ્યો છે.  

તાલિબાનના હાથ લાગ્યો ખજાનો 
પાકિસ્તાન નજીક આવેલ કંધાર પ્રાંતમાં બોલડાક વિસ્તારમાં એક ચોકી પર તાલિબાન આતંકવાદીઓએ કબજો કર્યો તે બાદ આતંકીઓના હાથમાં ત્રણ અબજ રૂપિયા લાગ્યા છે. આ પૈસા સેના છોડીને ભાગી ગઈ હતી. તાલિબાને આ મુદ્દે એક નિવેદન જાહેર કરીને ઘટનાની પુષ્ટિ કરી છે. 

અફઘાનિસ્તાન પર તાલિબાનનો કબજો 
નોંધનીય છે કે અમેરિકાના સૈનિકો અફઘાનિસ્તાન છોડીને ભાગી ગયા છે જે બાદ બાદ આતંકવાદીઓ સતત ભીષણ હુમલા કરી રહ્યા છે. તાલિબાનનો દાવો છે કે દેશના 85 ટકા વિસ્તાર પર તેનો કબજો થઈ ગયો છે. 

અફઘાનિસ્તાન રક્ષા મંત્રાલય દ્વારા કહેવામાં આવ્યું છે કે આ ઘટના મામલે તપાસ કરવામાં આવી રહી છે. નોંધનીય છે કે આખા દેશમાં તાલિબાને ઠેર ઠેર પોતાના ઝંડા ફરકાવી દીધા છે જ્યારે પાકિસ્તાનનો દવાઓ છે કે અફઘાનિસ્તાનની સેનાએ ભ્રષ્ટાચાર કરીને ત્રણ અબજ રૂપિયા ભેગા કર્યા હતા જેના પર હવે તાલિબાને કબજો કરી લીધો છે.