તાલિબાની અત્યાચારની વાત સાંભળતા જ આપણા મનમાં એક પ્રકારનો ડર આવી જાય છે પરંતુ જેમના પર વિતી રહ્યું છે તે ખુબ ભયંકર પરિસ્થિતિમાંથી પસાર થઇ રહ્યાં છે.
અફઘાનિસ્તાનમાં તાલિબાનીઓની ક્રુરતા
મહિલાઓને માણસ નથી ગણતા તાલિબાનીઓ
આંખો કાઢી લાશ કુતરાઓને ખવડાવી દે છે
તાલિબાનીઓની ક્રૂરતા
તાલિબાની લોકો દયાહીન છે. તે મહિલાઓને મારે છે અને તેમની આંખો કાઢી લે છે બાદમાં તેમની લાશ કુતરા સામે ફેંકી દે છે. આવા જ અત્યાચાર સામે ગુજરેલી એક અફઘાની મહિલાએ દેશમાં થયેલી ક્રુરતા વિશેની કહાણી સંભળાવી છે. જે મજબૂત હ્રદયના લોકોને પણ ભાવૂક કરી દેશે.
આંખો કાઢી લીધી હતી
33 વર્ષની મહિલા ખટેરાએ પોતાની સાથે થયેલા અત્યાચાર વિશે કહ્યું જે સાંભળીને લોકોનું હ્રદય દ્રવી ગયુ હતુ. આ મહિલાને પહેલા તો તાલિબાનઓએ ઘણીવાર ચાકુના પ્રહાર કર્યા અને તેની આંખો કાઢી લીધી હતી. તે સમયે આ મહિલા 2 મહિના ગર્ભવતી હતી. આજીજી કર્યા બાદ પણ તાલિબાનીઓએ તેને બક્ષી નહી. કિસ્મતથી તે જીવતી રહી અને આંખોનો ઇલાજ કરાવવા માટે દિલ્હી પહોંચી હતી. જે સમયે તાલિબાનીઓએ ખટેરાને પકડી હતી ત્યારે તે ગજની શહેરમાં પોતાનું કામ પતાવીને ઘરે જઇ રહી હતી.
તાલિબાનીઓની નજરમાં મહિલાઓ માણસ નહી
ખટેરા કહે છે કે, તાલિબાનના લોકોની નજરમાં મહિલાઓ માણસમાં આવતી નથી. તે માત્ર માંસના લોચા છે જેની સાથે તમે ઇચ્છો તેટલી ક્રૂરતા કરી શકો. પહેલા તાલિબાનીઓ મહિલાઓને પ્રતાડિત કરે છે અને અન્ય લોકોને ઉદાહરણ આપવા માટે શરીરને કોઇ પણ ચાર રસ્તે લટકાવી દે છે. કેટલીક વાર મહિલાઓની લાશને કુતરા સામે ફેંકી દે છે. હું ભાગ્યશાળી છુ કે ગમે તે રીતે બચી ગઇ છું.
અફઘાનીસ્તાનમાં તાલિબાનીઓના તાબા હેઠળ રહેવું તેની કલ્પના કરવી પણ અઘરી છે. કારણકે તે જીવન મહિલાઓ, બાળકો અને અલ્પસંખ્યકો માટે નરક જેવી હોય છે.
કેમ કર્યો મહિલા પર હુમલો
ખટેરાના કહ્યાં અનુસાર તેના પિતા તાલિબાનના પૂર્વ સૈનિક હતા. તેમના વિરુદ્ધ ષડયંત્ર રચવા માટે ખટેરાને નિશાન બનાવવામાં આવી હતી. દિલ્હીમાં પોતાના પતિ અને બાળક સાથે ઇલાજ કરાવી રહેલી ખટેરાએ કહ્યું કે, તાલિબાન મહિલાઓને પુરુષ ડૉક્ટર પાસે જવાની પરમિશન પણ આપતા નથી. મહિલાઓને ભણવાની કે કામ કરવાની પરમિશન પણ નથી આપતા, આવી પરિસ્થિતિમાં મહિલાઓના જીવનમાં શું રહ્યું?