તાનાશાહી / પરવાનગી વગર પ્રદર્શન નહીં, કયા નારા લાગશે અને કેમ? એ પણ જણાવવું પડશે, જાણો તમામ શરતો

• ગૃહ મંત્રાલયે વિરોધ પ્રદર્શનોને લઈને નવા નિયમો બનાવ્યા
• વિરોધ પ્રદર્શનનું વિવરણ આયોજનના 24 કલાક પહેલા સરકાર સાથે કરવું પડશે શેર 
• પ્રદર્શનમાં લાગનાર સૂત્રોચ્ચાર, સ્થાન, સમય જેવી તમામ જાણકારી સરકારને આપવી પડશે

તાલિબાનની તાનાશાહી શરુ થઈ ગઈ

20 વર્ષ બાદ ફરી અફઘાનિસ્તાન સત્તા પર પાછું ફર્યું છે.  તે સાથે જ તેની તાનાશાહી શરુ થઈ ગઈ છે. તાલિબાને અફઘાનિસ્તાનમાં હવે વિરોધ પ્રદર્શનો પર પ્રતિબંધ લગાવ્યા છે. હવે  કોઈ પણ પ્રદર્શન પહેલા તાલિબાન સરકારની પરવાનગી લેવી પડશે અને પ્રદર્શન સાથે જોડાયેલી ડિટેલ પણ મંત્રાલયને શેર કરવાની રહેશે. એટલુ જ નહીં હવે વિરોધ પ્રદર્શન કરવા માટે તેનું વિવરણ આયોજનના 24 કલાક પહેલા સુરક્ષા એજન્સીઓ સાથે શેર કરવું પડશે.

ગૃહ મંત્રાલયે વિરોધ પ્રદર્શનોને લઈને નવા નિયમો બનાવ્યા

અફઘાનિસ્તાનના ગૃહ મંત્રાલયે વિરોધ પ્રદર્શનોને લઈને નવા નિયમો બનાવ્યા છે. એ અંતર્ગત વિરોધ પ્રદર્શનના 24 કલાક પહેલા તેની જાણકારી સરકારને આપવાની રહેશે. તાલિબાને આ નિર્ણય ત્યારે લીધો જ્યારે થોડક દિવસ પહેલા તેણે કહ્યું કે પોતાના શાસનની વિરુદ્ધ કોઈ પણ વિરોધ તે સહન નહીં કરે.

પ્રદર્શનમાં લાગનાર સૂત્રોચ્ચાર, સ્થાન, સમય જેવી તમામ જાણકારી સરકારને આપવી પડશે

નવા નિયમો મુજબ તાલિબાનનું કહેવું છે કે કોઈ પણ વિરોધ પ્રદર્શનોનું આયોજન કરતા પહેલા ન્યાય મંત્રાલય પાસેથી પરવાનગી લેવી પડશે. એટલું જ નહીં વિરોધ પ્રદર્શનનો હેતુ, તેમાં લાગનાર નારા, સ્થાન, સમય અને પ્રદર્શન સાથે જોડાયેલી તમામ જાણકારી સરકારી અધિકારીઓની સાથે શેર કરવાની રહેશે. આ જાણકારી  સ્થાનીય પજવોક ન્યૂઝે આપી છે. ઉલ્લેખનીય છે કે તાલિબાન સરકારની વિરુદ્ધ વધતા વિરોધ પ્રદર્શનોને ધ્યાનમાં રાખી અફઘાનિસ્તાનની નવી સરકારે આ નિર્ણય લીધો છે.

તાલિબાન વિરોધ પ્રદર્શન સહન નથી કરી શક્તો

હકિકતમાં અફઘાનિસ્તાનમાં ચૂંટાયેલી ગની સરકારના પતન અને પાકિસ્તાનની કથિત ભૂમિકાના વિરોધમાં સેંકડો અફઘાની મંગળવારે રસ્તા પર ઉતર્યા હતા. તો તાલિબાને દાવો કર્યો તે વિરોધ માટે વિદેશથી પૈસા મળી રહ્યા છે. તાલિબાનના કબ્જા બાદ પાકિસ્તાનના ગુપ્તચર એન્સીના પ્રમુખ ફૈજ હમીદે કાબુલ પ્રવાસ કર્યો હતો. તે બાદ મંગળવારે રાજધાનીમાં અફઘાનિઓએ વિરોધ પ્રદર્શન કર્યુ હતુ. જેમાં મહિલાઓ વધારે હતી. તેમને ખદેડવા માટે તાલિબાને ગોળીબાર કર્યો હતો. ત્યારે બુધવારે લોકોએ મહિલાઓની સરકારમાં ભાગીદારીને સુનિશ્ચિત કરવા માટે માંગ કરતા પ્રદર્શન કર્યુ હતુ.