દાવો / પંજશીરની ધરતી પર તાલિબાને પોતાનો ઝંડો ફરકાવ્યો, નોર્ધન એલાયન્સના ચીફ કમાન્ડરનું મોત

• પંજશીરમાં તાલિબાને  કબ્જો જમાવી લીધો 
•  પાકિસ્તાન એરફોર્સે પંજશીર પર હુમલો કર્યો 
• અમે એનઆરએફના ચીફ કમાન્ડર સાલેહ મોહમ્મદને ઠાર માર્યા- તાલિબાન 

પંજશીરમાં તાલિબાને  કબ્જો જમાવી લીધો

પંજશીરમાંથી જે તાજા તસ્વીર આવી રહી છે તે દર્શાવે છે કે ત્યાં તાલિબાને  કબ્જો જમાવી લીધો છે. તાલિબાને પોતે પણ દાવો કર્યો છે કે તેણે પંજશીરમાં પૂરી રીતે જીત મેળવી છે. કેટલીક તસવીરો પણ આવી છે. જેમાં પંજશીરમાં તાલિબાનનો ઝંડો લગાવેલો છે. બીજી તરફ તાલિબાની પંજશીર ગવર્નર ઓફિસની બહાર ઉભેલા દેખાઈ રહ્યા છે.

પાકિસ્તાન એરફોર્સે હુમલો કર્યો

જો કે અફઘાનિસ્તાનના ઉપરાષ્ટ્રપતિ અમરુલ્લાહ સાલેહના નજીકના વ્યક્તિે એક ન્યૂઝ ચેલન સાથે વાત કરતા કહ્યું કે તાલિબાનનો દાવો ખોટો છે અને રેજિસ્ટેન્સ ફોર્સ પહાડીઓથી પંજશીરની રક્ષા કરી રહી છે. દાવો કર્યો કે તેમના પર પાકિસ્તાન એરફોર્સ હુમલો કરી રહી છે.

અમે એનઆરએફના ચીફ કમાન્ડર સાલેહ મોહમ્મદને ઠાર માર્યા- તાલિબાન 

ત્યાંથી તાલિબાન તરફથી એક દાવો કર્યો છે કે તેમણે એનઆરએફના ચીફ કમાન્ડર સાલેહ મોહમ્મદને ઠાર માર્યા છે. તાલિબાન તરફથી પ્રવક્તા જબીહુલ્લાહ મુઝાહિદે કહ્યું કે અફઘાનિસ્તાનના પંજશીર પ્રાંતને પણ પૂરી રીતે જીતી લીધુ છે. ઉલ્લેખનીય છે કે પંજશીર આખરે પ્રાંત હતો. જેના પર તાલિબાનનો કબ્જો નહોંતો હતો.  આ પહેલા 15 ઓગસ્ટે કાબુલ પર જીતની સાથે તાલિબાને સમગ્ર અફઘાનિસ્તાન પર કબ્જો જમાવી લીધો હતો.

અનેક કમાન્ડર માર્યા ગયા

રવિવારે આ લડાઈમાં પંજશીરના મુખ્ય કમાન્ડર માર્યા ગયા છે. જેમાં સૌથી મુખ્ય ફહીમ દશ્તી છે. પત્રકાર રહી ચૂકેલા ફહીમ પંજશીરના પ્રવક્તા પણ હતા. આ ઉપરાંત મસૂદ પરિવાર સાથે જોડાયેલા કમાન્ડ પણ માર્યા ગયા છે. આમાં ગુલ હૈદર ખાન, મુનીબ અમીરી અને જનરલ વૂદાદ શામેલ છે.  અફઘાનિસ્તાનના પૂર્વ ઉપરાષ્ટ્રપતિ અમરુલ્લાહ સાલેહ જે ઘરમાં રોકાયા છે. તેના પર હેલિકોપ્ટર હુમલો થયો છે. સાલેહને સુરક્ષિત જગ્યાએ લઈ જવામાં આવ્યા છે.