અફઘાનિસ્તાન / રાજધાની કાબુલમાં વિસ્ફોટમાં 5ના મોત, 50 ઘાયલ, તાલિબાને હુમલાની સ્વીકારી જવાબદારી

• કાબુલ વિસ્ફોટમાં 50થી વધુ લોકો ઘાયલ
• તાલિબાને કાબુલ હુમલાની જવાબદારી સ્વીકારી

જો કે પ્રાથમિક મળતી માહિતી મુજબ ફાયરિંગના અવાજ બાદ બ્લાસ્ટ થયો. આ હુમલો એવી જગ્યા પર થયો જ્યાં ઘણા બધા આંતરરાષ્ટ્રીય સંગઠનોના કાર્યાલય આવેલા છે.

ગૃહ મંત્રાલયના પ્રવક્તા નસરત રહીમીને જણાવ્યા મુજબ આ વિસ્ફોટ ગ્રીન વિલેજ પાસે થયો છે. જો કે આ વિસ્ફોટ બાદ આ વિસ્તારની ઘેરાબંધ કરવામાં આવી છે. 

અફઘાનિસ્તાનના કાબુલમાં જે જગ્યા પર વિસ્ફોટ થયાના અહેવાલ પ્રાપ્ત થયા છે તે વિસ્તારમાં આંતરરાષ્ટ્રીય સંગઠનોના કાર્યાલય આવ્યા છે. આ હુમલાની જવાબદારી તાલિબાને સ્વીકારી છે.

ઉલ્લેખનીય છે કે હાલમાં જ અફઘાનિસ્તાનમાં સેનાએ તાલિબાન આતંકીઓ વિરુધ્ધ મોટી કાર્યવાહી કરી હતી. જેમાં અફઘાનિસ્તાની સેનાએ તાલિબાનના પ્રમુખ સહિત 35 આતંકીઓને ઠાર માર્યા હતા.

જ્યારે આ અગાઉ સ્વતંત્રતા દિવસ પર અફઘાનિસ્તાનના જલાલાબાદમાં થયેલા આતંકી હુમલામાં 66 લોકો ઘાયલ થયા હતા. આ આતંકી હુમલા પછી અફઘાનિસ્તાનમાં સ્વતંત્રતા દિવસની ઉજવણી રદ્દ કરવામાં આવી હતી.
 

A car bomb explosion occurred near Green Village area in Kabul’s PD9: TOLOnews #Afghanistan pic.twitter.com/GGpJ8qwuHx

— ANI (@ANI) September 2, 2019

અફઘાનિસ્તાનના રાષ્ટ્રપતિના પ્રવક્તાએ જણાવ્યું હતું કે સચિવાલયે રાષ્ટ્રપતિ મહોમ્મદ અશરફ ગનીનના નિર્દેશ પર અફઘાનિસ્તાનના સ્વતંત્ર સમારોહની ઉજવણી રદ્દ કરી હતી.