રુઢિચુસ્તતા / તાલિબાને હદ કરી ! ભણતી વખતે છોકરા- છોકરીઓ એકબીજાના ચહેરા ન જોવે એટલે લાગુ પાડ્યો વિચિત્ર નિયમ

• અફઘાનિસ્તાનમાં તાલિબાનનું વધુ એક વિચિત્ર ફરમાન 
• યુનિવર્સિટીમાં લાગુ પાડી ઓડ ઈવન સિસ્ટમ
• ત્રણ દિવસ છોકરીઓ, ત્રણ દિવસ છોકરા ભણી શકશે

કટ્ટર અને રૃઢિચુસ્તની છાપ ધરાવતા તાલિબાન કોઈ પણ સંજોગોમાં હવે છોકરા અને છોકરીઓને એકીસાથે ક્લાસમાં બેસવા દેવા માગતા નથી અને આ તેમણે તેમણે ત્રણ દિવસ છોકરીઓ અને ત્રણ દિવસ છોકરા એવી નવી વ્યવસ્થા લાગુ પાડી છે. 

યુનિવર્સિટીઓમાં છોકરાઓ અને છોકરીઓના ભણતરને લઈને નવો આદેશ 

તાલિબાને દેશની યુનિવર્સિટીઓમાં છોકરાઓ અને છોકરીઓના એક સાથે અભ્યાસને લઈને નવીનતમ આદેશ બહાર પાડ્યો છે. તાલિબાનોએ કાબુલ પર કબજો મેળવ્યો કે તરત જ છોકરાઓ અને છોકરીઓને સાથે ભણવા પર પ્રતિબંધ લગાવી દેવામાં આવ્યો. ત્યારથી, યુનિવર્સિટીઓમાં અફઘાન છોકરીઓના શિક્ષણ પર તરત જ પ્રતિબંધ મૂકવામાં આવ્યો હતો. 

એક દિવસ છોકરાઓ અને એક દિવસ છોકરીઓ શાળાએ જશે
તાલિબાનની યુનિવર્સિટી એકેડેમિક કાઉન્સિલ દ્વારા જારી કરવામાં આવેલા આદેશમાં કહેવામાં આવ્યું છે કે હવે એક દિવસે છોકરાઓ અને બીજા દિવસે છોકરીઓ માટે ક્લાસ થશે. જે દિવસે છોકરીઓનો વર્ગ યોજાશે તે દિવસે યુનિવર્સિટી કેમ્પસમાં છોકરાઓના પ્રવેશ પર પ્રતિબંધ રહેશે. તેવી જ રીતે, જે દિવસે છોકરાઓનો વર્ગ યોજાશે તે દિવસે છોકરીઓને અંદર આવવા દેવામાં આવશે નહીં. એટલે કે અઠવાડિયામાં ત્રણ દિવસ છોકરાઓ માટે અને છોકરીઓ માટે ત્રણ દિવસ ક્લાસ ચાલશે.

સત્તાવાર સમાચાર એજન્સીએ સત્તાવાર નિવેદન જાહેર કર્યું
બખ્તર ન્યૂઝ એજન્સીએ ઇસ્લામિક અમીરાતના શિક્ષણ મંત્રાલયને ટાંકીને કહ્યું કે નવા સત્રમાં દેશની યુનિવર્સિટીઓમાં છોકરીઓ અને છોકરાઓ માટેના વર્ગો નક્કી કરવામાં આવ્યા છે. યુનિવર્સિટી એકેડેમિક કાઉન્સિલના નિર્ણય મુજબ નવા સત્રમાં છોકરીઓ માટે અઠવાડિયામાં ત્રણ દિવસ અને છોકરાઓને અઠવાડિયામાં ત્રણ દિવસ ફાળવવામાં આવ્યા છે.

શું છે તાલિબાનોનો ઈરાદો
તાલિબાનની આ જાહેરાત પાછળ એક મોટી યુક્તિ છુપાયેલી છે. વાસ્તવમાં, અફઘાનિસ્તાન પાસે છોકરા અને છોકરીઓ માટે અલગ અલગ સ્કૂલો બનાવવા પૂરતા પૈસા નથી. બીજી તરફ અફઘાનિસ્તાનમાં આટલા મોટા પાયા પર કોઈ મહિલા શિક્ષકો નથી જે છોકરીઓને અલગથી ભણાવી શકે. 

તાલિબાન પહાડીઓ પર અત્યાચાર કરી રહ્યા છે
અફઘાનિસ્તાન પર કબજો જમાવ્યાના થોડા મહિના પછી જ તાલિબાને મહિલાઓને બસમાં એકલા 70 કિલોમીટર સુધી મુસાફરી કરવા પર પ્રતિબંધ મૂક્યો હતો. તાલિબાને કહ્યું હતું કે આનાથી વધુ દૂર સુધી મુસાફરી કરવા માટે મહિલા માટે પુરુષ વાલીની સાથે હોવું જરૂરી છે. આદેશમાં કહેવામાં આવ્યું હતું કે લાંબા અંતરની મુસાફરી કરતી એકલી મહિલાઓને કારમાં બેસાડવામાં ન આવે. આના થોડા અઠવાડિયા પહેલા, તાલિબાને ટીવી પર મહિલા કલાકારો દર્શાવતા નાટક પર પ્રતિબંધ મૂક્યો હતો.