એટેક / તાલિબાનોએ અફઘાનિસ્તાનમાં ચેકપોસ્ટ પર કર્યો હુમલો, 15 પોલીસ જવાનના મોત

• તાલિબાની હુમલામાં 15 પોલીસ જવાનોના મોત
• બે અધિકારીઓ ઇજાગ્રસ્ત, હોસ્પિટલ ખસેડાયા
• આ વિસ્તારના કેટલાક જિલ્લાઓ પર તાલિબાનીઓનું નિયંત્રણ

વિસ્તારના કાઉન્સિલના સભ્ય ગુલામ રબાનીના જણાવ્યા અનુસાર, ઉત્તરીય કુંદૂજ વિસ્તારના અલી આબાદ જિલ્લામાં ચોકી પરના હુમલો કરવામાં આવ્યો અને તેની સાથે કેટલાક કલાકો સુધી બન્ને તરફથી ફાયરિંગ થયું.

રબાનીએ કહ્યું કે, આ હુમલો ત્યારે થયો જ્યારે અફઘાન સૈનિક કુંદૂજના દશ્ટી આર્ચી અને ઇમામ સાહિબ જિલ્લાઓમાં છેલ્લા કેટલાક અઠવાડીયાથી તાલિબાનની સાથે સંઘર્ષ કરી રહ્યા છે. 

જોકે તાલિબાનના પ્રવક્તા જબીહુલ્લા મુઝાહિદે આ હુમલાની જવાબદારી લીધી. કુંદૂજમાં તાબિબાન પોતાનો પગ પેસારો જમાવી ચૂક્યા છે અને ક્ષેત્રના કેટલાક જિલ્લાઓ પર તેમનું નિયંત્રણ છે. આ શહેર એક રાજકીય ગઢ છે જ્યાંથી ઉત્તરી અફઘાનિસ્તાનની સાથે જ દેશની રાજધાની કાબુલ સુધી પહોંચવું સરળ છે.