નોંધનીય છે કે, નિયત તમામ પુરાવાઓ રજુ કરનાર અરજદારની અરજીનો એક દિવસમાં નિકાલ કરવામાં આવશે. આ સાથે જ સ્થાનિક તલાટી-કમ-મંત્રી દ્વારા આપવામાં આવેલ આવકના પ્રમાણપત્રની માન્યતા કાઢી આપ્યાની એક વર્ષ સુધીની રહેશે.
આવકના પ્રમાણ પત્ર માટે તાલુકા કચેરીએ નહીં ખાવા પડે ધક્કા
આપને જણાવી દઇએ કે, તલાટી કમ-મંત્રી જે ગામમાં ફરજ બજાવતા હશે તે ગામના લોકોને જ આવકનું પ્રમાણપત્ર આપી શકશે. આ માટે અરજદારે નિયત ફી પણ ચુકવવાની રહેશે. સરકાર દ્વારા કરવામાં આવેલ આ નિર્ણયને પગલે ગ્રામજનોએ હવે તાલુકા કચેરીએ પ્રમાણપત્ર માટે ધક્કા ખાવા નહીં પડે.
આવકનું પ્રમાણપત્ર મેળવવા માન્ય છે આ પુરાવા
પુરાવાઓની પ્રમાણિત નકલ
કુટુંબના સભ્યોની વિગતો દર્શાવતું પત્રક
અરજદારનો તલાટી સમક્ષ રૂબરૂ જવાબ
પંચનામું
રહેઠાણ અંગેનું પુરાવો
રેશનકાર્ડ
છેલ્લા માસનું ટેલીફોન બીલ–લેન્ડલાઈન સહિત મોબાઈલ ફોનનાં બીલોની વિગત આપવી
છેલ્લા માસનું લાઈટ બીલ
નોકરી કરતાં હોયતો આવકનો પુરાવો
ધંધો/વ્યવસાયના પુરાવા
ધંધો/વ્યવસાયના આવકના છેલ્લા વર્ષના સરવૈયાની નકલ તથા ઇન્કમટેક્ષની નકલ
