વીડિયો વાયરલ / લાંચિયાઓને નથી કાયદાનો પણ ડર! બનાસકાંઠામાં તલાટીએ કર્યું આવું કામ

• બનાસકાંઠાના તલાટીનો વીડિયો વાયરલ
• કામ પૂર્ણ કર્યા બાદ ટકાવારીની માગ માટે અરજદારને કરાયું દબાણ
• તલાટીએ કામમાં ટકાવારીની કરી માગ

બનાસકાંઠાના વાવ તાલુકાના એક તલાટીનો વીડિયો વાયરલ થયો છે જેમાં તેઓ કામ કરાવવા માટે ટકાવારીની માગ કરી રહ્યાં છે. વીડિયોમાં તલાટી કહી રહ્યાં છે કે તમારે જે ટકાવારી થાય તે આપી દેજો. તમારું બધુ કરી દઇશ. અને આગળ કહે છે કે જો બધા તલાટી 5 ટકા લેતા હોય છે એ તો તમને ખબર જ છે. પણ આપણે સંતોષ માનીએ છીએ. 5 ટકા પૈસા મળી જાય વાત પૂરી. 

બીજુ કંઇ આપણે લેતા નથી. બીજા તો 6 ટકા પણ લેતા હશે અને 7 ટકા પણ લેતા હશે. ત્યારે અહીં સવાલ ઉઠી રહ્યાં છે કે ACB સક્રિય છે તેમ છતાં કેમ વારંવાર લાંચ લેવાની ઘટના સામે આવે છે?. તલાટી કામ કરવા ટકાવારી માગે છે તે કેટલું યોગ્ય કહેવાય?. અને આવા તલાટીઓ સામે કેમ કાર્યવાહી નથી કરવામાં આવતી. શું લાંચિયાઓને કાયદાનો ડર રહ્યો નથી?