ACB / અરવલ્લીમાં 1 હજારની લાંચ લેતા તલાટી ઝડપાયા, મેરેજ સર્ટિફિકેટ માટે માંગી હતી લાંચ 

• માલપુર તાલુકાના સખવાણીયા ગ્રામ પંચાયતના તલાટી ACBના સંકજામાં 
• તલાટી જયેશ પરમારને રંગે હાથ ACBએ ઝડપી પાડ્યા 
• ફરિયાદીની બહેનના મેરેજ સર્ટિફિકેટ આપવા માટે માંગી હતી લાંચ 

અરવલ્લી જિલ્લામાં ગ્રામ પંચાયતનો તલાટી લાંચ લેતા રંગેહાથે ઝડપાયા છે. વિગતો મુજબ ફરિયાદી મહિલા પાસે મેસેજ સર્ટિફિકેટ આપવા માટે તેને લાંચ માંગી હતી. જોકે મહિલા લાંચ આપવા ઇચ્છુક ન હોય તેમણે લાંચ રૂશ્વત બ્યૂરોનો સંપર્ક કર્યો હતો. આ તરફ એસીબીની ટીમે છટકું ગોઠવી તલાટીને લાંચની રકમ સ્વિકારતાં રંગેહાથે ઝડપી પાડયા હતા. 

માલપુર તાલુકાના સખવાણીયા ગ્રુપ ગ્રામ પંચાયતના તલાટી લાંચ લેતા ઝડપાયા છે. બિગતો મુજબ ગામના એક ફરિયાદ બહેનને લગ્નનું સર્ટિફિકેટ નીકળવાનું હતુ. જેથી તેઓ તલાટી જયેશ પરમાર પાસે ગયા હતા. જ્યાં જયેશ પરમારે મેસેજ સર્ટિફિકેટ આપવા માટે મહિલા પાસે 1 હજારની લાંચ માંગી હતી. જોકે મહિલા લાંચ આપવા ઇચ્છુક ન હોય તેમને ACBનો સંપર્ક કર્યો હતો. 

સાબરકાંઠા ACBએ કરી કાર્યવાહી 

આ તરફ મહિલાની ફરિયાદને આધારે સાબરકાંઠા લાંચ રૂશ્વત બ્યૂરોની ટીમે છટકું ગોઠવ્યું હતુ. જેમાં સખવાણીયા ગ્રુપ ગ્રામ પંચાયતના જયેશ પરમાર મહિલા પાસેથી લાંચની રકમ સ્વીકારતા રંગેહાથે ઝડપાઇ ગયા હતા. સમગ્ર મામલે ACBની ટીમે આરોપી જયેશ પરમાર સામે કાયદેસરની કાર્યવાહી હાથ ધરી છે.