ભાવનગરઃ તળાજા માર્કેટિંગ યાર્ડની ચૂંટણીનું પરિણામ જાહેર થયું છે. માર્કેટિંગ યાર્ડમાં કોંગ્રેસનો દબદબો જોવા મળ્યો છે. કુલ 14 બેઠકમાંથી 8 બેઠકો પર કોંગ્રેસે દાવ માર્યો છે. જ્યારે 6 બેઠક ભાજપે જીત મેળવી છે. 14 બેઠકોમાંથી ખેડૂત વિભાગમાં ભાજપનો 2 અને કોંગ્રેસનો 6 બેઠકો પર વિજય થયો છે.
જ્યારે વેપારી બેઠક પર ભાજપે 2 અને કોંગ્રેસે 2 બેઠક પર કબજો કર્યો છે. આ સિવાય ખરીદ વેચાણમાં ભાજપે બંને સીટો પર બાજી મારી છે. જ્યારે કોંગ્રેસને એક પણ બેઠક હાથ લાગી નથી.
મહત્વનું છે કે તળાજા માર્કેટિંગ યાર્ડની ચૂંટણીને રસાકસીનો જંગ માનવામાં આવી રહ્યો હતો. ભાજપ અને કોંગ્રેસ બન્ને પક્ષોએ ચૂંટણીમાં વધુ બેઠકો મેળવવા મહેતન કરી હતી. જેમાં આજે ચૂંટણી પરિણામ જાહેર થયું હતું. જેમાં 14 બેઠકોમાંથી 8 કોંગ્રેસ અને 6 ભાજપને મળી છે. જે જોતા કોંગ્રેસનો દબદબો જોવા મળ્યો છે. ખેડૂત વિભાગમાં ભાજપને 2 બેઠક અને કોંગ્રેસને 6 બેઠક મળી છે. વેપારી બેઠક પર ભાજપ કોંગ્રેસને સમાન 2-2 બેઠકો મળી છે. ખરીદ વેચાણમાં કોંગ્રેસને એક પણ બેઠક મળી ન હતી. જ્યારે ભાજપને 2 બેઠકો મળી છે.