હેલ્મેટને લઈ ટ્રાફિક પોલીસે હાથ ધર્યું યમરાજ ઓપરેશન કંઇક આવી રીતે કરાવ્યું ભાન

શહેરમાં અકસ્માતની ઘટનાઓ રોજ જોવા મળે છે અને મૃત્યુ તથા ઈજાઓનું પ્રમાણ વધે છે. જેને અટકાવવા માટે અવારનવાર ટ્રાફિક પોલીસ દ્વારા પ્રયત્નો કરવામાં આવે છે અને લોકોમાં ટ્રાફિક અવેરનેસ વધે તે માટે ટ્રાફિક પોલીસ દ્વારા અવનવી તરકીબો અપનાવવામાં આવે છે.

એવી જ એક તરકીબ આજે અમદાવાદ ટ્રાફિક પોલીસ દ્વારા અપનાવવામાં આવી હતી. જેમાં ટ્રાફિક પોલીસે એક વ્યક્તિને યમરાજનો ડ્રેસ પહેરાવી યમરાજ નામનું ઓપરેશન હાથ ધર્યુ હતુ.

આ ઓપરેશનમાં ટ્રાફિક પોલીસે યમરાજ નામના પાત્રને સાથે રાખીને હેલ્મેટ વગર વાહન ચલાવતા લોકોને ભાન કરાવ્યુ હતુ કે હેલ્મેટ ન પહેરવાથી મોત મળી શકે છે. મહતવનું છે કે ટ્રાફિક પોલીસની આ ઝુંબેશમાં પેટ્રોલપંપના કર્મચારીઓ પણ જોડાયા હતા.