નિવેદન / વાઇસ કેપ્ટનશીપ છીનવી લેવાથી કોઈ ફરક નથી પડતો..: કેએલ રાહુલનો પક્ષ ખેંચતા બોલ્યો રોહિત શર્મા

• આ ખેલાડી ફ્લોપ થયા પછી પણ રમશે મેચ 
• તે સમયે કદાચ ઘણા અનુભવી ખેલાડીઓ નહોતા - રોહિત 
• નિવેદનથી લાગી રહ્યું છે કે રાહુલ ત્રીજી ટેસ્ટમાં રમતા જોવા મળશે

ઓસ્ટ્રેલિયા સામે બોર્ડર-ગાવસ્કર ટ્રોફીની ત્રીજી ટેસ્ટ મેચ 1 માર્ચથી શરૂ થઈ રહી છે. જણાવી દઈએ કે આ સીરિઝમાં ટીમ ઈન્ડિયા 2-0થી આગળ ચાલી રહી છે અને આ ટેસ્ટ જીતીને ટીમ ઈન્ડિયા આ સીરિઝ પોતાના નામે કરવા માંગશે.આ સિરીઝની ત્રીજી મેચ ઈન્દોરના હોલકર સ્ટેડિયમમાં રમાવાની છે. અને આ મેચમાં ટીમ ઈન્ડિયાના પ્લેઈંગ 11 કેવી રહેશે એ જોવું ખૂબ જ રસપ્રદ રહેશે. જો કે મેચ પહેલા કેપ્ટન રોહિત શર્માએ ટીમને લઈને મોટો સંકેત આપ્યો છે.

Snapshots from #TeamIndia's training session here in Indore ahead of the third Test match against Australia.#INDvAUS pic.twitter.com/yLmoBLxfYG

— BCCI (@BCCI) February 28, 2023

આ ખેલાડી ફ્લોપ થયા પછી પણ રમશે મેચ 
આવતીકાલે ત્રીજી ટેસ્ટમાં સૌથી રસપ્રદ બાબત એ હશે કે કેએલ રાહુલને પ્લેઇંગ 11માં તક મળે છે કે નહીં. જણાવી દઈએ કે આ મેચ પહેલા લોકોને એમ લાગી રહ્યું હતું કે રાહુલના ખરાબ પ્રદર્શન બાદ તેને ટીમમાંથી બહાર કરી દેવામાં આવશે અને તેની જગ્યા એ શુભમન ગિલને તક મળી શકે છે.પણ ટીમ ઈન્ડિયાના કેપ્ટન રોહિત શર્મા આ મૂડમાં દેખાઈ રહ્યો નથી. જણાવી દઈએ કે તાજેતરના નિવેદનથી સ્પષ્ટ લાગી રહ્યું છે કે રાહુલ ત્રીજી ટેસ્ટમાં પણ રમતા જોવા મળશે.

તે સમયે કદાચ ઘણા અનુભવી ખેલાડીઓ નહોતા - રોહિત 
જ્યારે આ સીરિઝની ત્રીજી અને ચોથી ટેસ્ટ માટે ટીમની જાહેરાત કરવામાં આવી ત્યારે કેએલ રાહુલ પાસેથી ટીમની વાઇસ કેપ્ટનશિપ માટેનું પદ છીનવી લેવામાં આવ્યું હતું. એ સમયે માનવામાં આવી રહ્યું હતું કે તેને પ્લેઇંગ 11માંથી બહાર થશે પણ હવે આ વિશે રોહિતે સ્પષ્ટ કર્યું છે કે કેએલ રાહુલ પાસથે વાઇસ કેપ્ટનશીપ છીનવી લેવાથી કોઈ ફરક નથી પડતો. 'કોઈ ખેલાડી વાઇસ-કેપ્ટન છે કે નહીં તે કંઈપણ દર્શાવતું નથી.' રોહિતે કહ્યું કે 'ટીમના તમામ 17 ખેલાડીઓ પાસે તક છે. ટીમ પ્રતિભાશાળી લોકોને સમર્થન આપશે. વાઇસ-કેપ્ટન્સી છીનવી લેવાનો અર્થ કંઈ મોટો નથી. તેને વાઇસ-કેપ્ટન બનાવવામાં આવ્યો હતો કારણ કે તે સમયે કદાચ ઘણા અનુભવી ખેલાડીઓ નહોતા.'

જણાવી દઈએ કે કેએલ રાહુલનું પ્રદર્શન સતત ખરાબ રહ્યું છે પણ કોચ રાહુલ દ્રવિડ અને કેપ્ટન રોહિત સતત તેનું સમર્થન કરી રહ્યા છે. રાહુલના પ્રદર્શનની વાત કરીએ તો નાગપુરમાં રમાયેલી પ્રથમ મેચમાં પહેલી ઇનિંગમાં 20 રન બનાવ્યા હતા અને બીજી મેચની પહેલી ઇનિંગમાં તે માત્ર 17 રન અને બીજી ઇનિંગમાં એક રન જ બનાવી શક્યો હતો. 

pic.twitter.com/pCK8Y4rlnQ

— BCCI (@BCCI) February 28, 2023

ત્રીજી ટેસ્ટ સીરિઝ માટે ટીમ ઈન્ડિયા 
રોહિત શર્મા , કેએલ રાહુલ, ચેતેશ્વર પુજારા, વિરાટ કોહલી, શ્રેયસ ઐયર, રવિન્દ્ર જાડેજા, શ્રીકર ભરત, અક્ષર પટેલ, રવિચંદ્રન અશ્વિન, મોહમ્મદ શમી, મોહમ્મદ સિરાજ, શુભમન ગિલ, ઈશાન કિશન, કુલદીપ યાદવ , સૂર્યકુમાર યાદવ , જયદેવ ઉનડકટ , ઉમેશ યાદવ

ઓસ્ટ્રેલિયાની ટીમ: ઉસ્માન ખ્વાજા, ટ્રેવિસ હેડ, માર્નસ લાબુશેન, સ્ટીવન સ્મિથ (સી), મેટ રેનશો, પીટર હેન્ડ્સકોમ્બ, એલેક્સ કેરી (ડબ્લ્યુ), નાથન લિયોન, ટોડ મર્ફી, મેથ્યુ કુહનમેન, મિશેલ સ્ટાર્ક, મિશેલ સ્વીપ્સન, કેમેરોન ગ્રીન, સ્કોટ બોલેન્ડ લાન્સ મોરિસ