અમદાવાદ / એકલતાનો લાભ લઈ NRI મહિલાને બનાવી હવસનો શિકાર, અંશ સુપર માર્કેટ મોલના માલિક સામે દુષ્કર્મની ફરિયાદ

• થલતેજમાં અન્સ સુપર માર્કેટ મોલના માલિક વિરુદ્ધ દુષ્કર્મની નોંધાઇ ફરિયાદ
• NRI મહિલાએ મોલના માલિક જયેશ શુકલા વિરૂદ્વ નોંધાવી ફરિયાદ
• મહિલાની એકલતા નો લાભ લઈને દુષ્કર્મ આચરતા નોંધાઇ ફરિયાદ

અમદાવાદનાં થલતેજમાં અંશ સુપર માર્કેટ મોલનાં માલિક વિરૂદ્ધ દુષ્કર્મની ફરિયાદ નોંધાવી છે. NRI મહિલાએ મોલના માલિક જયેશ શુકલા વિરૂદ્વ ફરિયાદ નોંધાવી છે. ત્યારે મહિલાની એકલતાનો લાભ લઈને દુષ્કર્મ આચરતા ફરિયાદ નોંધાઈ હતી. જેમાં 2021 માં થયેલી ઘટનાની મહિલાએ અનેક પોલીસ સ્ટેશનમાં ધક્કા ખાધા હતા. તેમજ અનેક અરજીઓ કર્યા બાદ લાંબા સમય બાદ ફરિયાદ થઈ હતી.  ફરિયાદમાં મહિલાએ જયેશ શુક્લા ધમકી પણ આપતો હોવાનો આક્ષેપ કર્યો છે. તેમજ મહિલાએ ન્યાય માટેની માંગ કરી છે. ત્યારે જયેશ શુક્લા વિરૂદ્ધ બોડકદેવ પોલીસ સ્ટેશનમાં ફરિયાદ પણ નોંધાઈ છે. 

જયેશ શુક્લા 2019-20માં ધંધામાં રોકાણ કરવાના બહાને પરિચયમાં આવ્યો
દુષ્કર્મની ફરિયાદ નોંધાવનાર NRI મહિલાની દયનિય સ્થિતિ છે. 8 મહિનાથી ફરિયાદ માટે મહિલાએ ધક્કા ખાધા હતા. ત્યારે પોલીસ અરજી લઈને સંતોષ માનતી હતી. રાજકીટ દબાણને લઈને મહિલને ખરાબ અનુભવ થયો છે. NRI મહિલા 1987માં અમેરિકા ગયા હતા. જે બાદ તેઓ 2011માં પતિ સાથે ભારતમાં પરત ફર્યા હતા. જે બાદ તેઓ જયેશ શુક્લા સાથે 2019-20 માં ધંધામાં રોકાણ કરવાનાં બહાને પરિચયમાં આવ્યા હતા. ત્યારે મહિલા પતિ સાથે મનદુઃખનાં કારણે એકલવાયું જીવન જીવતી હતી. આરોપીએ મહિલાની એકલતાનો લાભ ઉઠાવીને ઠગાઈ કરી દુષ્કર્મ આચર્યું હતું.

8 મહિનાં વીતવા છતાં હજુ સુધી મને ન્યાય મળ્યો નથીઃ ભોગ બનનાર મહિલા
આ બાબતે ભોગ બનનાર મહિલાએ જણાવ્યું હતું કે,  તેમનું નામ જયેશ શુક્લા છે. અને તેઓ મારા પાડોશી હતી. અને વર્ષ 2011 માં અમદાવાદમાં રહેવાનું મેં શરૂ કર્યું છે. તે અવાર નવાર મારા ઘરે મિત્ર તરીકે આવતો હતો. પરંતું હું તેને મળતી ન હતી. હું 2020 થી એનાં સંપર્કમાં આવી. ત્યારે એક દિવસ એ મારા ઘરે આવ્યો અને ડોક્યુમેન્ટ લેવા હું રૂમમાં ગઈ ત્યારે તે મારી પાછળ મારા બેડરૂમ સુધી આવ્યો અને મારી સાથે દુષ્કર્મ આચર્યું.  જે બાદ એણે મને ધમકી આપી કે કોઈને કહેશો તો પૈસા પણ નહી મળે અને તમને હું મારી નાંખીશ. તેમ કહી ધમકી આપતા હું ડરી ગઈ હતી. તેમજ જયેશ શુક્લાએ કહ્યું હતું કે મારે પોલીટીક્સમાં ઘણી બધી ઓળખાણો છે.  જો તમે બહાર કોઈને કહેશો તો હું તમને બરબાદ કરી નાંખીશ. જે બાદ હું પોલીસમાં ગઈ હતી. ત્યારે 8 મહિનાં વીતવા છતાં હજુ સુધી મને ન્યાય મળ્યો નથી.