મેટ્રો હોય કે, જાહેર જગ્યા કે પછી કોઈ પણ ભીડભાડવાળી જગ્યામાં અમુક રોમિયો ટાઈપના યુવાનો છેડતી કરવાનો મોકો શોધી લેતા હોય છે. આવો જ એક કિસ્સો સામે આવ્યો છે.
ભીડભાડ વાળી જગ્યા પર મહિલાઓ પરેશાન
ટ્રેનમાં મુસાફરી કરતા મહિલાઓેની છેડતી
ભીડનો ફાયદો ઉઠાવી કરે છે છેડતી
મેટ્રો હોય કે, જાહેર જગ્યા કે પછી કોઈ પણ ભીડભાડવાળી જગ્યામાં અમુક રોમિયો ટાઈપના યુવાનો છેડતી કરવાનો મોકો શોધી લેતા હોય છે. આવો જ એક કિસ્સો સામે આવ્યો છે. દિલ્હી એનસીઆર વિસ્તારમાં મેટ્રોમાં ભીડનો ફાયદો ઉઠાવીને એક યુવતી સાથે છેડતી કરી, જે બાદ મેટ્રોલ પોલીસે આરોપી શખ્સની ધરપકડ કરી છે. 39 વર્ષિય આરોપી સંજીવ કુમાર કૃષ્ણા નગરનો રહેવાસી હોવાનું સામે આવ્યું છે. કહેવાય છે કે આ કેસમાં યુવતીએ લેખિત ફરિયાદ કરીને શખ્સ વિરુદ્ધ યમુના ડેપો મેટ્રોલ પોલીસ સ્ટેશનમાં આઈપીસીની કલમ 354 અંતર્ગત ફરિયાદ નોંધાવી છે.
ભીડનો ફાયદો ઉઠાવી કરતો ગંદા કામ
ડીસીપી જિતેન્દ્ર મણિએ જણાવ્યું હતું કે, 21 એપ્રિલે યુવતીએ યમુના ડેપો મેટ્રો પોલીસ સ્ટેશન પહોંચીને લેખિત ફરિયાદ નોંધાવી હતી. યુવતીના જણાવ્યા અનુસાર તે કડકડડૂમાથી બ્લૂલાઈનની મેટ્રોમાં મુસાફરી કરી રહી હતી, ત્યારે ત્યાં ખૂબ ભીડ હતી. ત્યારે ડબ્બામાં તેની પાસે ઉભેલો યુવક એકદમ નજીક આવી ગયો અને તેની સાથે છેડતી કરવા લાગ્યો. તેના શરીરના પ્રાઈવેટ પાર્ટ્સ પર હાથ ફેરવવા લાગ્યો, યુવતીએ વાંધો ઉઠાવ્યો તો, પણ તે માન્યો નહીં. યુવતીએ કંટાળીને ટ્રેન રોકવાનો વિચાર પણ આવ્યો, જો કે, ડબ્બામાં લાગેલુ ઈમરજન્સી બટન તેનાથી થોડે દૂર હતું.
યુવતીએ હિંમત દાખવી કર્યું આ કામ
ત્યારે આવા સમયે હેરાન થઈને યુવતીએ યમુના બેંક મેટ્રોલ સ્ટેશન પર ઉતરી ગઈ, અહીં પણ યુવક તેની પાસે આવીને તેનો પીછો કરવા લાગ્યો. તે યુવતી સાથે વાત કરવાની કોશિશ કરવા માગતો હતો.જો કે યુવતી તેનાથી બચવાની કોશિશ કરતી રહી, આ દરમિયાન મહિલા મુસાફરે પોલીસને કોલ કરી દીધો. જો કે, પોલીસે આવે તે પહેલા જ આરોપી ફરાર થઈ ગયો હતો. જે બાદ પોલીસે ફરિયાદ નોંધી લીધી છે.
પોલીસે દબોચી લીધો
સ્પેશિયલ સ્ટાફના ઈંચાર્જ ઈંસ્પેક્ટર અજય કુમારની આગેવાનીમાં ટીમે ઘટનાના દિવસે આ રૂટ પર આવતા મેટ્રો સ્ટેશન અને કોચમાં લાગેલા સીસીટીવી ફુટેજ ખંગાળી રહી છે. બાદમાં આરોપીની ઓળખાણ કરીને તેને પ્રીત વિહાર મેટ્રો સ્ટેશન પરથી દબોચી લેવામાં આવ્યો છે.