આજકાલ લોકો ક્રેડિટ કાર્ડનો ખૂબ ઉપયોગ કરી રહ્યાં છે. પરંતુ જો તમે ક્રેડિટ કાર્ડથી લોન લેવાનું વિચારી રહ્યાં છો તો અહીં જણાવેલી બાબતો પણ જાણી લો.
ક્રેડિટ કાર્ડ વાપરતા લોકો માટે કામના સમાચાર
ક્રેડિટ કાર્ડથી લોન લેતા પહેલાં જાણો આ વાતો
ક્રેડિટ કાર્ડ ધારકોએ આ ભૂલ કરવી નહીં
ક્રેડિટ કાર્ડ બેન્ક તરફથી આપવામાં આવતી એક સુવિધા છે જેમાં ગ્રાહકોને પહેલાં પૈસા ખર્ચ કરવા અને પછી ચૂકવવાની સુવિધા મળે છે. તમે ક્રેડિટ કાર્ડથી ઓનલાઈન અને ઓફલાઈન પેમેન્ટ પણ કરી શકો છો. આજકાલ લોકો ક્રેડિટ કાર્ડનો ખૂબ ઉપયોગ કરી રહ્યાં છે. મોટાભાગના લોકો ક્રેડિટ કાર્ડનો ઉપયોગ કરી રહ્યાં છે, કારણ કે તે સમયસર પૈસાની જરૂરિયાતોને પૂર્ણ કરે છે.
તમને જણાવી દઈએ કે, બેંક ક્રેડિટ કાર્ડ પર લોનની સુવિધાઓ પણ આપે છે, આ લોન પર્સનલ લોનની જેમ હોય છે. અલગ-અલગ બેંકો તેમના ગ્રાહકોને ક્રેડિટ કાર્ડ પર લોન આપતી હોય છે. સામાન્ય રીતે ક્રેડિટ કાર્ડ પર વાર્ષિક વ્યાજ 35 થી 40 ટકા જેટલું હોય છે. જેથી જો તમે ક્રેડિટ કાર્ડ પર પહેલાંથી જ લોન લઈ લીધી છે અથવા તો લોન લેવાનું વિચારી રહ્યાં છો તો વ્યાજદરથી લઇને લેટ ફી અંગેની તમામ બાબતો પર ધ્યાન આપવું જરૂરી છે.
સમય પર ચુકવણી ન કરવા પર થશે આવું
જો તમે સમય પર લોનની ચુકવણી નથી કરી શકતા તો ટોપ અપ લોન મળવાની સંભાવના ઓછી થઈ જાય છે. સમય પર પેમેન્ટ ન કરવાથી તમારો સિવિલ સ્કોર પણ ખરાબ થઇ શકે છે.
ચુકવણી દરમિયાન ડિફોલ્ટ થવા પર શું થાય છે
જો તમે સમય પર ક્રેડિટ કાર્ડ પર લીધેલી લોનની રકમ નથી ભરતા તો તમને ડિફોલ્ટ માની લેવામાં આવે છે. સમય પર ઈએમઆઈ ન ભરનાર કાર્ડધારકના ક્રેડિટ સ્કોર પર ખરાબ અસર થાય છે. જેથી સમયસર લોન ચૂકવવી જરૂરી છે.
પ્રોસેસિંગ ચાર્જ પર આપો ધ્યાન
જ્યારે ક્રેડિટ કાર્ડ પર લોન લેવામાં આવે છે ત્યારે લોનની રકમ પર પ્રોસેસિંગ ચાર્જ પણ લગાવવામાં આવે છે. સામાન્ય રીતે ક્રેડિટ કાર્ડ પર લોનના પ્રોસેસિંગ ચાર્જ 1-5 ટકાની વચ્ચે હોય છે. લોનની અવધિ કેટલી રહેશે તે કાર્ડધારક નક્કી કરી શકે છે. જે મહત્તમ 24 મહિના એટલે કે 2 વર્ષ સુધીની હોઈ શકે છે.
રેકોર્ડ સારો હોવો જોઈએ
ક્રેડિટ કાર્ડધારકોને ઈમરજન્સીના સમયમાં પ્રી-અપ્રૂવ્ડ લોન પણ સહેલાઇથી મળી જાય છે. પરંતુ તેના માટે તેમનો રેકોર્ડ સારો હોવો જરૂરી છે. એ ત્યારે સંભવ થાય છે જ્યારે તમે તમારા જૂના બિલ સમયસર ચૂકવ્યા હોય, સાથે જ પ્રી-અપ્રુવ્ડ લોન માટે કોઇપણ પ્રકારના ડોક્યુમેન્ટ્સની જરૂર હોતી નથી. આ જ કારણથી તેની પ્રોસેસ ઝડપી છે અને થોડાં જ કલાકોમાં પૈસા મળી જાય છે.