રાજ્યમાં દારૂબંધી હોવા છતા અનેક લોકો દારૂનો નશો કરી રહ્યા છે. ત્યારે હવે પોલીસકર્મી જ દારૂના નશામાં સામે આવ્યો છે. અમદાવાદના સાયન્સ સિટી વિસ્તારમાં પોલીસ જવાનને સ્થાનિકોએ નશાની હાલતમાં ઝડપી પાડ્યો. વાહનો ટોઈંગ કરવા માટે આવેલા પોલીસકર્મીને સ્થાનિકોએ દારૂની નશામાં ઝડપ્યો હતો.
આ પોલીસ જવાને દારૂના નશામાં વાહનો ટોઈંગ કર્યા હતા. આ દરમિયાન સ્થાનિકોમાં રોષ જોવા મળ્યો હતો. રસ્તા પર લોકોના ટોળેટોળા ઉમટ્યા હતા. આ દરમિયાન સ્થાનિકોએ વીડિયો પણ ઉતાર્યા હતા. આ વીડિયોમાં પોલીસ જવાન પોતે નશામાં હોવાની કબુલાત પણ કરી હતી.
દારૂના નશામાં પોલીસકર્મી ઝડપાતા લોકોના રોષના પગલે ટોઈંગવાનના કર્મચારીઓ ભાગ્યા હતા. મહત્વનુ છે કે પોલીસ દ્વારા દારૂના નશામાં ધુત વ્યક્તિઓ સામે કાર્યવાહી કરવામાં આવે છે. ત્યારે હવે પોલીસકર્મી જ દારૂના નશામાં ઝડપાતા પોલીસ દ્વારા શું કાર્યવાહી કરવામાં આવશે તે આગામી દિવસોમાં જોવાનુ રહેશે.