નવું વર્ષ આવવામાં બસ હવે એક જ દિવસ બાકી છે ત્યારે 2021 ઘણા બધા બદલાવ સાથે દસ્તક આપશે. આવામાં કેન્દ્ર સરકાર તમારી સેલેરીને લઇને મોટો નિર્ણય લે તેવી શક્યતાઓ છે. તેવું માનવામાં આવી રહ્યું છે કે, નવા કંપનશેસન નિયમોને 2021માં લાગૂ કરી દેવામાં આવશે. જે બાદ મારી ટેક હોમ સેલેરી ઓછી થઇ જશે અને તમારા સેલેરી સ્ટ્રક્ચરમાં બદલાવ આવશે.
2021થી બદલાશે પગાર માટેના નિયમો
સકારના નિયમથી તમારી ટેક-હોમ સેલેરી પર અસર
પ્રાઇવેટ કંપનીના કર્મચારીઓને થશે અસર
ઓછી થઇ જશે ઓન હેન્ડ સેલેરી
મની કંટ્રોલના એક સમાચાર અનુસાર, નવા નિયમો હેઠળ કંપનીઓ દ્વારા કર્મચારીઓને આપવામાં આવતા પેમેન્ટમાં બદલાવ કરવામાં આવશે. સામાન્ય રીતે કંપનીઓમાં નોન અલાઉન્સ હિસ્સો ઓછો હોય છે. તે સિવાય કર્મચારીઓને ગ્રેજ્યુટી અને પીએફના યોગદાનમાં વધારો થાય છે. ટેક હોમ સેલેરીમાં ઘટાડો થશે.
કોરોનાકાળમાં લોકોના સ્વાસ્થ જ નહી પરંતુ દેશની અર્થવ્યવસ્થા અને લોકોની નોકરી પર પણ અસર પડી છે. નુકસાનની ભરપાઇ કરવા માટે કેટલીક કંપનીઓએ કોસ્ટ કટિંગ કર્યુ તો કેટલીક કંપનીઓએ પગારમાં ઘટાડો કર્યો. એપ્રિલ 2021માં કર્મચારીઓને વધુ એક ઝટકો લાગી શકે છે.
પગાર ધોરણમાં બદલાવ
કર્મચારીઓના પગાર સ્ટ્રક્ચરમાં બદલાવ કરવામાં આવી શકે છે. જેનાથી તેમની ટેક હોમ સેલેરી ઓછી થઇ શકે છે. સરકારે નવા નિયમ હેઠળ જે ડ્રાફ્ટ નિયમોની સૂચના જાહેર કરી છે તેનાથી કંપનીઓ પોતાની સેલેરી પેકેજમાં બદલાવ કરશે.
શું છે નિયમ
નવા નિયમો Code on wages 2019 હેઠળ આવે છે જે 2021માં લાગૂ થશે. જે અંતર્ગત અલાઉન્સ કંપોનેંટ એટલે કે સેલેરી સાથે મળતા ભથ્થા, કુલ સેલેરીના 50 ટકાથી વધુ ન હોઇ શકે. એટલે કે બેઝિક સેલેરી, સેલેરી સ્ટ્રક્ચરના 50 ટકા જેટલી હશે.
આ માટે કંપનીઓએ બેઝિક પર કંપોનેંટ વધારવી પડશે, જેના હેઠળ ગ્રેજ્યુટી પેમેન્ટ અને કર્મચારી તરફથી ભરવામાં આવતે પીએફ ફંડની રકમ વધી જશે.
પ્રાઇવેટ કંપનીના કર્મચારી થશે પ્રભાવિત
હાલની સ્થિતિ પ્રમાણે પ્રાઇવેટ કંપનીઓ સીટીસીના મોટા હિસ્સામાં ભથ્થાવાળો હિસ્સો વધારે રાખે છે પરંતુ હવે આ નિયમ બદલાઇ જશે. પ્રાઇવેટ કંપનીમાં કામ કરતા કર્મચારીઓના વેતનમાં આ મોટો બદલાવ થશે.