ઉત્તર પ્રદેશ / ટ્રમ્પને તાજમહલના દીદાર કરાવનાર શખ્સને જોઈને લોકોએ કહ્યું, આ તો યુવા મોદી જેવો દેખાય છે

• ટ્રમ્પ પરિવારે તાજના કર્યા દીદાર 
• ગાઇડ યુવાન મોદી જેવો લાગતા સોશિયલ મીડિયા પર છવાયો
• ઘણા બધા દેશના નેતાઓને યુવાને ગાઇડ તરીકે તાજના કરાવ્યા છે દીદાર

આપને જણાવી દઇએ કે, આ પહેલા પણ નિતીન સિંહે કેટલીય મોટી હસ્તીઓને તાજના દીદાર કરાવ્યા છે. નિતીન સિંહે આ પહેલા ઇઝરાયેલના પ્રધાનમંત્રી નેતન્યાહૂ, બ્રાઝીલના રાષ્ટ્રપતિ બોલ્સેનારોસ કેનેડાના પ્રધાનમંત્રી જસ્ટીન ટ્રૂડો, ફ્રાન્સના રાષ્ટ્રપતિ ઇમેન્યૂઅલ મેક્રો, મંગોલિયાના રાષ્ટ્રપતિ, બેલ્જિયમના રાજા ફિલિસ સહિત અનેક નામી અનામી હસ્તીઓને તાજના દીદાર કરાવ્યા છે. 

ટ્રમ્પ અને મેલેનિયાએ તાજ જોઇને કહ્યું- વાહ 

ન્યૂઝ એજન્સીના અહેવાલ મુજબ અમેરિકી રાષ્ટ્રપતિ ડોનાલ્ડ ટ્રમ્પ અને તેમની પત્ની મેલેનિયા ટ્રમ્પે આગ્રાના તાજમહલની સુંદરતા જોઈને કહ્યું - અવિશ્વસનીય છે. પરંતુ તેમને આશ્ચર્ય ત્યારે વધી ગયું જ્યારે તેની સાથે રહેલા માર્ગદર્શકે તેમને તાજની સંપૂર્ણ વાર્તા કહી. આ સાથે જ તેમણે ફરીવાર તાજના દીદાર કરવા આવવાનું વચન પણ આપ્યું. 

Nitin Kumar Singh, Tour Guide, Ministry of Tourism: I gave every minute detail of the Taj Mahal to US President Donald Trump and the First Lady. 'Incredible' was the first word they uttered after seeing the Taj Mahal. President & the First Lady have promised to visit once again. pic.twitter.com/6VRi1yIHRC

— ANI (@ANI) February 24, 2020

'સિટી ઓફ લવ'ના લાગ્યા બોર્ડ 

આપને જણાવી દઇએ કે, ઉત્તર પ્રદેશના રાજ્યપાલ આનંદીબહેન પટેલ તથા મુખ્યમંત્રી યોગી આદિત્યનાથે ખેરિયા એરપોર્ટ પર ટ્રમ્પનું ભવ્ય સ્વાગત કર્યું હતું. આ સાથે જ ઉત્તર પ્રદેશના રસ્તાઓ પર ટ્રમ્પના સ્વાગતના હોર્ડિગ્સ લગાવવામાં આવ્યા હતા જેમાં લખવામાં આવ્યું હતું કે, 'સિટી ઓફ લવ'. આગ્રામાં ભારતના સૌથી સારા મિત્રનું ભવ્ય સ્વાગત છે. 

કલાકારોએ ટ્રમ્પ પરિવારનું કર્યું સ્વાગત 

ટ્રમ્પ આગ્રાના એરપોર્ટ પર પહોંચ્યા ત્યારે ઉત્તર પ્રદેશના વિવિધ પ્રદેશોમાંથી આવેલા 250થી વધુ કલાકારોએ ઢોલ, નગારા, તથા મૃદંગના અવાજ વચ્ચે મયૂર નૃત્ય, રાઇ લોક નૃત્યથી સ્વાગત કર્યું હતું.