વિશ્વમાં કોરોના વાયરસનાં કારણે તબાહી મચી રહી છે એવામાં તાઈવાને વિશ્વ સ્વાસ્થ્ય સભામાં ભાગ લેવા માટે ભારતની મદદ માંગી છે. હાલ તો ભારતનાં તાઈવાન સાથે કોઈ જ પ્રકારના ઔપચારિક સંબંધો નથી પરંતુ તાઇવાને મદદ માંગ્યા બાદ ચીનના ઉકળી ઉઠ્યું છે. ચીનનું માનવું છે કે તાઈવાન ચીનનું અભિન્ન અંગ છે એવામાં વન-ચાઈના સિદ્ધાંતને ધ્યાનમાં રાખીને જ નિર્ણય લેવો જોઈએ.
વિશ્વ સ્વાસ્થ્ય સભામાં ભાગ લેવા તાઈવાને ભારતની મદદ માંગી
ભડકેલા ચીને તરત જ આપી પ્રતિક્રિયા
તાઈવાને ગયા અઠવાડિયે ભારતને 10 લાખ માસ્કની કરી હતી મદદ
ચીની એમ્બેસીએ તરત જ આપી પ્રતિક્રિયા
ચીન સતત તાઈવાનને પોતાનો અભિન્ન અંગ બતાવતું આવ્યું છે. હાલમાં જ જ્યારે તાઈવાને વિશ્વ સ્વાસ્થ્ય સભામાં સામેલ થવા માતાએ ભારત પાસે મદદ માંગી ત્યારે નવી દિલ્હી સ્થિત ચાઇનીઝ એમ્બેસીએ તરત જ પ્રતિક્રિયા આપી અને કહ્યું આ મુદ્દે માત્ર વન-ચાઈના સિદ્ધાંતને ધ્યાનમાં રાખીને નિર્ણય લેવો જોઈએ.
ભડકેલા ચીને તાઈવાનને અભિન્ન અંગ ગણાવ્યો
નોંધનીય છે કે ચીન તાઈવાનને પોતાનો અભિન્ન અંગ માને છે અને તાઈવાને અલગથી આ બેઠકમાં સામેલ થવા માટે ભારતની મદદ માંગતા ચીન ભડકી ઉઠ્યું હતું. ચીની એમ્બેસીના પ્રવક્તાએ કહ્યું કે વર્લ્ડ હેલ્થ ઓર્ગેનાઈઝેશન સહિત દરેક પ્રકારની ગતિવિધિમાં તાઈવાનમાં ચીનની સ્થિતિ સ્પષ્ટ અને સુસંગત છે. તાઈવાન ચીનનું અભિન્ન અંગ છે અને વન-ચાઈના સિદ્ધાંત અનુસાર તેને જોવો જોઈએ.
કોરોના સામે લડવામાં તાઈવાનને મળી અભૂતપૂર્વ સફળતા
પ્રવકતાએ કહ્યું કે ચીનની સરકારે વૈશ્વિક સ્વાસ્થ્ય મામલાઓમાં તાઈવાનની ભાગીદારી માટે ઉચિત વ્યવસ્થા કરી છે. જે સુનિશ્ચિત કરે છે કે તાઈવાનમાં સ્વાસ્થ્ય ઈમરજન્સીમાં સમય પર અને વધુ સારી રીતે લડી શકાય. નોંધનીય છે કે કોરોના સામે લાદવામાં તાઈવાનને અભૂતપૂર્વ સફળતા પ્રાપ્ત થઇ છે. તાઈવાનના ભારત સાથે કોઈ જ ઔપચારિક સંબંધ નથી છતાં આ દેશે ભારતને ગયા અઠવાડિયે 10 લાખ સર્જિકલ માસ્ક દાનમાં આપ્યા હતા. નોંધનીય છે કે સૂત્રો મુજબ તાઈવાને ભારતથી મદદ માંગી તેને એક આહ્વાહનના સંદર્ભમાં જોવું જોઈએ.