IPLIN
 

WORLD / આ ટચુકડો દેશ ચીનને દેખાડશે તેની હેસિયત, કર્યો આ મોટો ફેરફાર

Team VTV 10:35 PM, 02 Sep 20
Follow us
Taiwan planning to change passport design to weaken its connection with china

તાઇવાન હવે તેના પાસપોર્ટને ફરીથી ડિઝાઇન કરવાની તૈયારી કરી રહ્યું છે. પાસપોર્ટનું નવું સ્વરૂપ આપશે જેમાં ચીનની સાથેના જોડાણનું લેવલ નીચે કરવા જઈ રહ્યું છે. 

તાઈવાન પોતાના પાસપોર્ટની ડિઝાઈનમાં બદલાવ કરવા જઈ રહ્યું છે જેમાં પોતે પોતાના સ્વતંત્ર અસ્તિત્વને વધુ મહત્ત્વ આપશે. જ્યારે ચીન સાથેના જોડાણને ઓછું મહત્વ આપશે તેવી ડિઝાઈન બનાવશે. જો કે ચીને હજુ સુધી આ નવા તાઇવાન પાસપોર્ટના ડ્રાફ્ટ અંગે કોઈ પ્રતિક્રિયા આપી નથી. એવું માનવામાં આવે છે કે ચીનને આ બાબત ગમશે નહીં. તાઇવાનના વિદેશ મંત્રાલયે બુધવારે તાઇવાનના નવા પાસપોર્ટનો ફોટો જાહેર કર્યો.

નવા પાસપોર્ટમાં અંગ્રેજીમાં કેપિટલ શબ્દોમાં કવર પર 'તાઇવાન' શબ્દ લખાયો છે. જ્યારે 'રિપબ્લિક ઑફ ચાઇના' ને અંગ્રેજીમાં ટૂંકા શબ્દોમાં ઘટાડવામાં આવ્યા છે. આ ટાપુ રાષ્ટ્રના બંધારણ મુજબ તેનું પૂરું નામ તાઇવાન રિપબ્લિક ઓફ ચાઇના છે. 1945 માં જાપાને તાઇવાનની સત્તા ચીનને સોંપી હતી. ચાઇનામાં ગૃહ યુદ્ધ શરૂ થયાના ચાર વર્ષ પછી, ત્યાંની સત્તા કમ્યુનિસ્ટ પાર્ટીના હાથમાં આવી ગઈ.

આ પછી, માઓ ત્સે તુંગની આગેવાની હેઠળની કમ્યુનિસ્ટ પાર્ટીએ પણ તાઇવાનનો કબજો લીધો. ત્યારબાદથી તાઇવાન ચીનની ચુંગાલમાંથી બહાર આવવા પ્રયાસ કરી રહ્યું છે. આ પ્રયત્નોમાં, તે લોકશાહી સ્થાપિત કરવામાં સફળ રહ્યા, જેના કારણે તેઓ સામ્યવાદી પક્ષના શાસનથી મુક્ત રહેવા સક્ષમ બન્યાં.

જો કે, તેઓ તેમના નામની આગળથી રિપબ્લિક ઑફ ચાઈના દૂર કરી શક્યા નહીં. બંધારણીય જોગવાઈઓને કારણે તેઓ ચીનના ધ્વજ અને અનેક સંસ્થાઓના નામનો ઉપયોગ પણ કરે છે. જ્યારે તાઇવાન ચીનથી અલગ થવાના માર્ગ પર છે અને પોતાને સ્વતંત્ર સાબિત કરે છે, ત્યારે ચીને તેને પોતાનો હિસ્સો જાહેર કર્યો છે. ચીન ત્યાંના કોઈપણ વિદેશી રાજકારણીઓનો વિરોધ કરે છે અને બહુરાષ્ટ્રીય કંપનીઓથી અપેક્ષા રાખે છે કે ચીનના હિસ્સાના રૂપે તાઈવાનને દર્શાવાય.

China ચીન તાઈવાન taiwan Passport પાસપોર્ટ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ