સાઉથ ચાઈના સી અને તાઈવાન પર કબજો જમાવવાની કોશિશ કરી રહેલા ચીનને એક આકરો ઝટકો લાગ્યો છે.
તાઈવાનને નબળું આંકવામાં ચીને કરી ભૂલ
તાઈવાને વિવાદીત સાઉથ ચાઈના સીમાં લશ્કરી તાકાત વધારવાની કરી જાહેરાત
તાઈવાન પર કબજો જમાવવાનો ચીનનો ડોળો
તાઈવાન સાઉથ ચાઈના સીમાં ચીન સામે ટકરાશે
તાઈવાને વિવાદીત સાઉથ ચાઈના સીમાં લશ્કરી તાકાત વધારવાની જાહેરાત કરી દીધી છે. તાઈવાનના ડિફેન્સ મિનિસ્ટરે સંસદમાં જણાવ્યું કે તાઈવાન સાઉથ ચાઈના સીમાં લશ્કરી તહેનાતીને વધારે મજબૂત બનાવશે અને અમેરિકાએ તાઈવાનની નવી સબમરિનથી સજ્જ કરવાના એક્સપોર્ટને મંજૂરી આપી દીધી છે.
તાઈવાનને પોતાનો દેશ ગણાવી રહ્યો છે ચીન
ચીન ઘણા વર્ષોથી તાઈવાનને પોતાની માલિકીનો દેશ ગણાવી રહ્યો છે. હજુ થોડા સમય પહેલા જ ચીને તાઈવાનની આસપાસ લશ્કરી તાકાતને વધારી દીધી છે.તેનું કારણ એ છએ કે ચીનની ઈચ્છા છે કે દબાણ વધારીને તાઈવાનને પોતાની તરફ ઝૂકવા માટે દબાણ કરી શકાય. બીજી બાજુ તાઈવાને પોતાની જાતનો બચાવ કરવાનું શરુ કરી દીધું છે. સંસદમાં બોલતા તાઈવાનના ડિફેન્સ મિનિસ્ટર ચિયુ કુઓ ચેંગે જણાવ્યું કે તાઈવાને સાઉથ ચાઈના સીમાં મુખ્ય દ્વીપ તાઈવાનના કબજા વાળા ઈટૂ આબા પર તહેનાત કર્મીઓ અને સૈનાઓની સંખ્યામાં વધારો કર્યો છે. ચેંગે ગત મહિને જ ડિફેન્સ મિનિસ્ટરનો હોદ્દો સંભાળ્યો છે.
2024 સુધી આઠ સબમરિન બની જશે.
ડિફેન્સ મિનિસ્ટરે જણાવ્યું કે અમેરિકાએ તાઈવાનના પહેલા ઘરેલૂ સ્તર પર સબમરિન માટે જરુરી તમામ સંવેદનશીલ ઉપકરણો માટે એક્સપોર્ટ પરમિટને મંજૂરી આપી દીધી છે. આઠ સબમરિનનું નિર્માણ કામ 2020 ના નવેમ્બરમાં શરુ થઈ ચૂક્યું છે અને 2024 સુધી આ સબમરિન બનીની તૈયાર થવાની ધારણા છે. તેમણે કહ્યું કે અમેરિકા પાસેથી તાઈવાનના હથિયારોની ખરીદી પર અમેરિકાના નવા પ્રમુખ બાઈડન પ્રશાસન પર કોઈ ખોટી અસર પડી નથી.