કરિના કપૂર ખાન અને સૈફ અલી ખાન બોલિવુડના પૉપ્યુલર કપલમાંથી એક છે. બંનેની રિલેશનશીપથી લોકો ઘણી શીખ લેતા હોય છે. તાજેતરમાં જ બંનેએ સાથે એક કોમર્શિયલ એડના શૂટિંગ માટે પહોંચ્યા હતા જ્યાં તેમની સાથે તેમનો દિકરો તૈમૂર પણ હતો. સૈફ અને કરિના સેટ પર શૂટિંગમાં વ્યસ્ત હતો તો તૈમૂર માતા-પિતાને મદદ કરી રહ્યો હતો, જેનો વીડિયો સોશ્યલ મીડિયા પર સતત વાયરલ થઇ રહ્યો છે.
સેલિબ્રેટી હેરસ્ટાઇલિસ્ટે તૈમૂરનો વીડિયો પોસ્ટ કર્યો છે જેમાં તૈમૂર બ્લો ડ્રાયરને ગનની જેમ પકડ્યુ છે. બ્લો ડ્રાયરની મદદથી તૈમૂર સૈફ-કરિના પર હવા ફેંકતો જોવા મળી રહ્યો છે. આ કામ કરવામાં તૈમૂરને પણ ખૂબ જ મજા આવી રહી છે. તૈમૂર બ્લો ડ્રાયર હાથમાં પકડીને કંઇ બોલતો પણ દેખાઇ રહ્યો છે. તેના ચહેરા પર ક્યૂટ સ્માઇલથી જ ખબર પડી જાય કે તે કેટલો ખુશ છે.
હેરસ્ટાઇલિસ્ટે આ વીડિયો શૅર કરતા લખ્યુ કે, નવો આસિસ્ટન્ટ કે બોસ .. આ વીડિયો પર ફએન્સની સાથે સાથે બોલિવુડની એક્ટ્રેસ દીપિકા અને આલિયાએ પણ કમેન્ટ કરી છે. જેના તરફ સૌ કોઇનું ધ્યાન ગયુ છે. દીપિકાએ આ વીડિયો પર કમેન્ટ કરતા લખ્યુ કે, ''આને ચોરી લો.'' તો આલિયા ભટ્ટે લખ્યુ કે,'' OMG.'' કરિનાની મેનેજરને પણ પોતાના સોશ્યલ મીડિયા પર તૈમૂર સેફ અને કરિનાની સાથે બ્લોઅર લઇને ઉભો હોય તેવી ફોટો શૅર કરી છે.