કરીના કપૂર અને તેનો દિકરો તૈમૂર અલી ખાન હંમેશાથી ફોટોગ્રાફરના ફેવરિટ રહ્યાં છે. બંને જ્યાં પણ જાય છે કેમેરામેન તેમની તસવીર ક્લિક કરવાના પ્રયાસમાં જ રહે છે. હાલમાં જ તૈમુરનો એક વીડિયો સામે આવ્યો છે જેમાં તે ફોટોગ્રાફર્સ પર ભડકી ઉઠે છે અને તેમને કહે છે નોટ અલાઉડ.
આ વીડિયોમાં કરીના કપૂર ખાન અને તૈમુર અલી ખાન સાથે ચાલતા જોવા મળી રહ્યાં છે અને કેમેરાની લાઇટ જ્યારે તૈમુર પર પડે છે ત્યારે તે પાછળ વળીને કહે છે નોટ અલાઉડ, કરીના તેને ત્યાંથી લઇ જવાના પ્રયાસ કરે છે પરંતુ તૈમુર વળી વળીને લોકોને કહી રહ્યો છે કે તસવીર ન ખેંચો.
પ્રેગનેન્ટ છે કરીના
હાલમાં કરીના કપૂર પ્રેગનેન્ટ છે અને વીડિયોમાં તૈમુર તેમજ કરીના માસ્ક પહેરેલા જોવા મળે છે. પ્રેગનેન્સીને લઇને કરીના એક પુસ્તક લખી રહી છે અને તેનું નામ કરીના કપૂર ખાન પ્રેગનેન્સી બાયબલ રાખવાનું નક્કી કર્યુ છે. 20 ડિસેમ્બર તૈમુરના ચોથા બર્થ ડેના દિવસે કરીનાએ આ પુસ્તક લખવાનું એલાન કર્યુ હતુ.
વીડિયો થયો વાયરલ
કરીના કપૂરની આ દિવાળી ખૂબ જ ખાસ છે કારણ કે તે ટૂંક સમયમાં તેના બીજા બાળકને જન્મ આપવાની છે. આ ખાસ અવસર પર કરીના સૈફ અને તૈમૂર ધર્મશાળા રજાઓ માણવા ગયા છે. સાથે જ મલાઈકા અરોરા અને અર્જુન કપૂર પણ એ લોકોની સાથે દિવાળી સેલિબ્રેટ કરવા ધર્મશાળા પહોંચ્યા છે. ધર્મશાળાથી આ લોકોના ફોટોઝ અને વીડિયો વાયરલ થઈ રહ્યાં છે. કરીના અને મલાઈકા ધર્મશાળાના રસ્તાઓ પર ફરતા જોવા મળી રહ્યાં છે.
આ વીડિયોમાં કરીના કપૂર, સૈફ અલી ખાન, અર્જુન કપૂર, મલાઈકા અરોરા અને તૈમૂર ધર્મશાળાના રસ્તાઓ પર ફરતા જોવા મળી રહ્યાં છે. જ્યારે ફેન્સ આ લોકોનો વીડિયો બનાવી રહ્યાં છે. વીડિયોમાં કરીના વ્હાઈટ જેકેટમાં જોવા મળી રહી છે. જ્યારે મલાઈકાએ ગ્રીન કલરનો જંપસૂટ પહેર્યો છે. એક્ટ્રેસના આ વીડિયો પર લોકો ખૂબ કમેન્ટ્સ કરી રહ્યાં છે અને મલાઈકા અને અર્જુન સાથે હોવા પર ચર્ચાઓ થઈ રહી છે અને લોકો પ્રતિક્રિયા આપી રહ્યાં છે.