બોલિવૂડના દિગ્ગજ ફિલ્મમેકર કરણ જોહર જ નહીં પણ તેના બાળકો પણ સ્ટાર્સના ફેવરિટ છે. ફિલ્મ ઈન્ડસ્ટ્રીના ઘણાં સિતારા કરણ જોહરના બાળકો યશ અને રૂહી જોહર સાથે મસ્તી કરતાં જોવા મળે છે. એવામાં બુધવારે કરણે તેના બાળકોની બર્થડે પાર્ટી રાખી હતી, જેમાં હમેશાંની જેમ મોટા-મોટા સ્ટાર્સ સામેલ થયા હતા.
કરણની પાર્ટીમાં બોલિવૂડના ફેમસ સ્ટાર કિડ્સ પણ હાજર રહ્યા હતા. આ પાણીમાં સૈફ-કરીનાનો લાડકો દિકરો તૈમૂર, તેની સાથે સોહા અને કુણાલ ખેમૂની દિકરી ઈનાયા અને એકતા કપૂરનો દિકરો રવિ સહિતના કેટલાક સ્ટાર કિડ્સ જોવા મળ્યા હતા.
તમામ બાળકોએ પાર્ટીમાં ખૂબ એન્જોય કર્યું પણ આ બધાંમાં તૈમૂર એકદમ ક્યૂટ અને અલગ અંદાજમાં જોવા મળ્યો હતો. સોશિયલ મીડિયા પર યશ અને રૂહીની બર્થડે પાર્ટીના વીડિયોઝ ઘણાં વાયરલ થઈ રહ્યા છે, જેમાં યશ, રૂહી, તૈમૂર અને ઈનાયા મસ્તી કરતાં જોવા મળી રહ્યાં છે. જ્યારે અન્ય એક વીડિયોમાં તૈમૂર ડ્રમ બજાવતા જોવા મળી રહ્યો છે અને એક ફોટોગ્રાફર તેની તસવીરો ખેંચી રહ્યો છે.