ભારતની ટેબલ ટેનિસ સ્ટાર મનિકા બત્રાએ રાષ્ટ્રીય કોચ સૌમ્યદીપ રૌય પર ફિક્સીંગનો ગંભીર આરોપ લગાવ્યો છે.
ભારતની ટેબલ ટેનિસ સ્ટાર મનિકા બત્રાનો ગંભીર આરોપ
રાષ્ટ્રીય કોચ સૌમ્યદીપ રોય પર લગાવ્યો ફિક્સીંગનો આરોપ
સૌમ્યદીપ રોયે મેચ ફિક્સ કરવાનું જણાવ્યું હતું-મનિકા
ખેલ રત્નથી સન્માનિત મનિકા બત્રાએ જણાવ્યું કે કોચ સૌમ્યદીપ રોયે તેને મેચ ફિક્સ કરવાનું જણાવ્યું હતું. અને આ જ કારણે મેં ટોક્યો ઓલિમ્પિકમાં કોચની મદદ લેવાની ના પાડી દીધી હતી.
ક્યારે બની આ ઘટના
મનિકાએ ટીટીએફઆઈ સચિવ અરુણ બેનરજીના મોકલેલા જવાબમાં કહ્યું કે છેલ્લી ઘડીએ કોચની દખલને કારણે પેદા થયેલી સ્થિતિની બચવા માટે તથા રાષ્ટ્રીય કોચ વગર રમવાના મારા નિર્ણય પાછળ આ એક મુખ્ય કારણ હતું. રાષ્ટ્રીય કોચે માર્ચ 2021 માં દોહામાં ક્વોલિફિકેશન ટુર્નોમેન્ટમાં મારી પર ફિક્સિંગનું દબાણ કર્યું. કોચે મારી પર દબાણ કર્યું મારે પ્રશિક્ષુની સામે મેચ હારી જવી જેથી કરીને તે ઓલિમ્પિક માટે ક્વોલિફાઈ કરી શકે.
મનિકાએ એવું પણ જણાવ્યું કે જો રોય તેની સાથે કોચ તરીકે હાજર રહ્યાં હોત તો તે મેચ પર વધારે ધ્યાન ન આપી શકી હોત.
મનિકાએ કહ્યું, પુરાવા છે મારી પાસે
મનિકાએ કહ્યું કે આ આરોપના પુરાવા મારી પાસે છે જે યોગ્ય સમયે હું રજૂ કરીશ. મને મેચ હારી જવાનું કહેવા માટે રાષ્ટ્રીય કોચ મારી હોટલના કમરામાં આવ્યાં અને લગભગ 20 મિનિટ મારી સાથે વાત કરી. તેમણે ખોટી રીતે તેમની તાલીમાર્થીને આગળ વધારવાનો પ્રયાસ કર્યો. આ તાલીમાર્થી કોચની સાથે આવી હતી. મનિકાએ કહ્યું કે મેં તેમને હા-નાનો જવાબ નહોતો આપ્યો અને તરત ટીટીએફઆઈને જાણકારી આપી જોકે તેમના દબાણ અને ધમકીની મારી રમત પર અસર પડી.
કારણદર્શક નોટિસનો જવાબ
ટેબલ ટેનિસ ફેડરેશન ઓફ ઈન્ડિયા તરફથી શો કોઝ નોટિસનો જવાબ આપતા, મનિકાએ જોરદાર રીતે નકારી કા્યું કે તેણે રોયની મદદ લેવાનો ઇનકાર કરીને રમતની પ્રતિષ્ઠાને નુકસાન પહોંચાડ્યું છે.
સૌમ્યદીપ રોય અર્જુન એવોર્ડ વિજેતા છે
અનેક પ્રયાસો છતાં રોયનો સંપર્ક થઈ શક્યો ન હતો. ખેલાડીથી કોચ બનેલા રોયને વર્તમાન રાષ્ટ્રીય શિબિરથી દૂર રહેવા માટે કહેવામાં આવ્યું છે. ટીટીએફઆઈએ તેને પોતાની બાજુ રજૂ કરવા પણ કહ્યું છે. બેનર્જીએ કહ્યું, 'આરોપો રોય સામે છે, તેમને જવાબ આપવા દો. પછી અમે ભવિષ્ય વિશે નિર્ણય લઈશું. ”રોય કોમનવેલ્થ ગેમ્સ ટીમ ઇવેન્ટ ગોલ્ડ મેડલિસ્ટ છે, જેને અર્જુન એવોર્ડ પણ મળ્યો છે.