TMKOC / તારક મહેતાના 'બાઘા'એ ખૂબ જ સંઘર્ષમાં પસાર કર્યા છે દિવસો, ઓછાં પગારમાં કર્યું આ કામ અને પછી ચમકી કિસ્મત

• તારક મહેતા શો 12 વર્ષથી દર્શકોનું મનોરંજન કરી રહ્યું છે
• આ શોના તમામ કલાકાર પોતાની એક્ટિંગ અને કોમેડીને કારણે ખૂબ જ લોકપ્રિય છે
• બાઘાનો રોલ પ્લે કરનાર તન્મય એક્ટિંગ પહેલાં કરતો હતો આ કામ

આ શોના તમામ કલાકાર પોતાની એક્ટિંગ અને કોમેડીને કારણે ખૂબ જ લોકપ્રિય છે. આ શોના બધાં પાત્રોએ લોકોના દિલમાં ખાસ જગ્યા બનાવી છે. જેમાં એક પાત્ર છે બાઘા એટલે કે તન્મય વેકરિયા પણ લોકોને ખૂબ જ પસંદ છે. તમને જણાવી દઈએ કે શોમાં આવતા પહેલાં તન્મય એક બેંકમાં નોકરી કરતો હતો. તેણે ખૂબ જ સંઘર્ષમાં દિવસો પસાર કર્યા હતા. 

આટલી હતી તન્મયની પહેલી સેલરી

એક રિપોર્ટ મુજબ તન્મય તારક મહેતા શોમાં આવ્યા પહેલાં કોટક મહિન્દ્રા બેંકમાં માર્કેટિંગ એક્ઝીક્યૂટિવ હતો અને તેની પહેલી સેલરી માત્ર 4000 રૂપિયા હતી. તમને જણાવી દઈએ કે તન્મય ગુજરાતનો રહેવાસી છે અને તેણે 15 વર્ષ થિયેટરમાં કામ કર્યું છે. તેને એક્ટિંગ માટે પિતાથી પ્રેરણા મળી હતી. નોકરીમાં ઓછો પગાર હોવાને કારણે તન્મય એક્ટિંગની દુનિયામાં આવ્યો. 

તારક મહેતામાં તન્મયની આટલી છે ફીસ

રિપોર્ટ્સ અનુસાર બાઘાનો રોલ પ્લે કરવા માટે તન્મયને પ્રતિ એપિસોડ 22000 રૂપિયા મળે છે. એટલું જ નહીં તન્મયના પિતા અરવિન્દ વેકરિયા પણ કમાલના એક્ટર છે. જે તારક મહેતામાં ઘણાં રોલ પ્લે કરી ચૂક્યા છે. તન્મય તારક મહેતા સિવાય અન્ય કોઈ શોમાં કામ કરી નથી રહ્યો. જોકે, પોતાની સખત મહેનતના દમ પર તે આટલો આગળ આવ્યો. તન્મયે શોમાં એક ઓટો ડ્રાઈવરથી લઈને ટેક્સી ડ્રાઈવર અને ઈન્સ્પેક્ટરથી લઈને શિક્ષક સુધી ઘણાં નાના નાના રોલ પ્લે કર્યા છે અને પછી 2010માં તેને તારક મહેતામાં રોલ મળ્યો, જે પછી તેણે ક્યારેય પાછળ વળીને જોયું નહીં. 

બે બાળકોનો પિતા છે તન્મય

તન્મય શોમાં તો સિંગલ છે પરંતુ રિયલ લાઈફમાં તે મેરિડ છે અને બે બાળકોનો પિતા છે. તન્મય તેની પત્ની સાથે સોશિયલ મીડિયા ફોટોઝ અને વીડિયો શેર કરતો રહે છે. આ સિવાય તન્મય જાણીતા ગુજરાતી એક્ટર અરવિંદ વેકરિયાનો દિકરો છે. તન્મય પાસે હોન્ડા સિટી કાર છે. તન્મય શાહરૂખનો બહુ મોટો ફેન છે.