મુંબઇ: ટીવી પરની હિટ સીરિયલ 'તારક મહેતા કા ઉલ્ટા ચશ્મા'માં દયા બેન ગડાનો રોલ નિભાવીને ઘર ઘર જાણીતી થઇ દિશા વાકાણી છેલ્લા ઘણા સમયથી સીરિયલથી દૂર છે. કારણ એ છે કે એ પોતાની પુત્રીની દેખભાળમાં વ્યસ્ત છે. દિશાએ પહેલી વખત પોતાની પુત્રીનો ફોટો દુનિયાની સામે લાવ્યો છે.
તસવીર શેર કરતા દીશાએ કેપ્શનમાં લખ્યું છે વર્લ્ડ. દિશાની દીકરીની પહેલી તસવીર સામે આવ્યા બાદ ફેન્સે કોમેન્ટ્સનો વરસાદ કરી દીધો. તે સાથે જ લોકોએ શોમાં પાછા ફરવાની વાત પણ કહી. હકીકતમાં દિશા દીકરીના જન્મ સમયથી જ શો થી દૂર છે.
દિશાની પુત્રી હવે 7 મહિનાની થઇ ગઇ છે અને એનું નામ સ્તુતિ છે. ગત 30 નવેમ્બરે દિશા મા બની હતી. દિશાએ પોતાની પુત્રીનો ફોટો ઇન્સ્ટાગ્રામ પર શેર કર્યો છે અને સાથે જ પોતાના મંદિરમાં દર્શન કરતા પણ જ્યાં તે તાજેતરમાં જ પુત્રી અને પોતાના પરિવાર સાથે ગઇ હતી.
ઉલ્લેખનીય છે કે ત્રણ વર્ષ પહેલા દિશાએ મયૂર પંડ્યાની સાથે લગ્ન કર્યા હતા. હાલમાં તે રજા પર છે. એપ્રિલમાં શો માં આવવાની ચર્ચા પણ હતી પરંતુ એક બે એપિસોડ બાદ એ પરત ચાલી ગઇ કારણ કે દીકરીને દેખભાળ માટે એને થોડો સમ જોઇતો હતો.