સબ ટીવી પર છેલ્લા 12 વર્ષથી તારક મહેતા કા ઉલ્ટા ચશ્મા સીરિયલ દર્શકોને હસાવી રહી છે. આ સીરિયલ લોકોમાં ખૂબ જ લોકપ્રિય છે અને ટીઆરપીમાં પણ હમેશાં આગળ રહી છે. ત્યારે આ સીરિયલના કલાકારો પણ ઘણાં પોપ્યુલર છે અને તેમાંથી એક લોકપ્રિય પાત્ર છે પોપટલાલ. આ રોલ શ્યામ પાઠક પ્લે કરી રહ્ય છે. તે શરૂઆતથી આ શો સાથે જોડાયેલો છે. તે શોમાં તેના લગ્નને લઈને ચર્ચામાં રહે છે.
12 વર્ષથી દર્શકોને હસાવી રહ્યું છે તારક મહેતા સીરિયલ
ત્યારે શોના દરેક પાત્ર છે ખૂબ જ ખાસ
પણ પોપટલાલને આ કારણથી માંગવી પડી હતી માફી
પોપટલાલ હમેશાં દુનિયા હલાવી દેવાની વાત કરતો હોય છે. પણ એક સમય એવો આવ્યો હતો જ્યારે તેની દુનિયા હલી ગઈ હતી. તેને શોમાંથી કાઢી મૂકવામાં આવ્યો હતો. જેની પાછળનું કારણ હતું તેનું અનપ્રોફેશનલ બિહેવિયર.
હકીકતમાં એક વખત શોમાં જેઠાલાલનો રોલ પ્લે કરનાર દિલીપ જોશીને લંડનમાં એક સ્ટેજ શો પર્ફોમ કરવા માટે જવાનું હતું. તે ત્યાં પહોંચ્યો પછી ઓડિયન્શે તેને પોપટલાલ સાથે પર્ફોમન્સ આપવાની અપીલ કરી. જેઠાલાલે પોપટલાલને ફોન કર્યો, પોપટલાલ ઈન્ડિયામાં જ હતો. પછી જેઠાલાલના ત્યાંથી જતા રહ્યાં અને પર્ફોમન્સ એક્સટેન્ડ કરી દેવામાં આવ્યું હતું.
જેઠાલાલની વાત માનીને પોપટલાલે સ્ટેજ શો કરવાની હાં પાડી દીધી અને તે તરત જ લંડન પહોંચી ગયો. પરંતુ તેણે આ વાતની જાણકારી તારક મહેતાના ક્રૂને આપી નહીં. લંડનમાં તો પ્રોગ્રામ જબરદસ્ત રહ્યો પરંતુ તારક મહેતાના સેટ પર સમસ્યા વધી ગઈ. પ્રોડ્યૂસર્સ પોપટલાલ પર ગુસ્સે થયા અને જ્યારે પોપટલાલ સેટ પર પાછો આવ્યો તો વાત એટલી વધી ગઈ કે, શોના પ્રોડ્યૂસર અસિત મોદી સાથે તેની બોલાચાલી થઈ ગઈ.
એ પછી પોપટલાલને તારક મહેતામાંથી કાઢી મૂકવામાં આવ્યો. શોમાંથી બહાર થયા બાદ પોપટલાલ 4 દિવસ સુધી ઘરે જ રહ્યો હતો. આ દરમિયાન તેને તેની ભૂલનો એહસાસ થયો અને પછી તેણે પ્રોડ્યૂસર્સથી માફી માંગી. જે બાદ તેને માફી મળી ગઈ અને તે ફરી શૂટિંગ કરવા લાગ્યો.