ટીવી સીરિયલ તારક મહેતા કા ઉલ્ટા ચશ્મામાં જેઠાલાલ અને બબીતાજીની ઓનસ્ક્રીન કેમેસ્ટ્રી ખૂબ જબરજસ્ત લાગે છે. પરંતુ શું તમે જાણો છે કે દિલીપ જોશીને કારણે મુનમુન દત્તાની શોમાં એન્ટ્રી થઈ હતી, ચાલો જાણીએ.
સીરિયલ તારક મહેતા કા ઉલ્ટા ચશ્મા દર્શકોના દિલ પર રાજ કરે છે
દર્શકોને જેઠાલાલ અને બબીતાજીની ઓનસ્ક્રીન કેમેસ્ટ્રી ખૂબ જબરજસ્ત લાગે છે
દિલીપ જોશીને કારણે મુનમુન દત્તાની શોમાં એન્ટ્રી થઈ હતી
ટીવી સીરિયલ તારક મહેતા કા ઉલ્ટા ચશ્મા છેલ્લા 12 વર્ષોથી દર્શકોનું મનોરંજન કરી રહી છે.
સીરિયલમાં જેઠાલાલનું પાત્ર નિભાવી રહેલા દિલીપ જોશી દર્શકોને ખૂબ હસાવે છે. દિલીપ શોમાં બબીતાજીનું પાત્ર ભજવી રહેલી મુનમુન દત્તા સાથે હંમેશા ફ્લર્ટ કરતા પણ દેખાય છે.
એક ઈન્ટરવ્યૂમાં જેઠાલાલે જણાવ્યું હતું કે, મને જ્યારે જેઠાલાલનો રોલ મળ્યો ત્યારે મૈં અન્ય ઘણાં પાત્રો પસંદ કરવામાં મદદ કરી હતી. મુનમુનને પણ મૈં જ રિકમેન્ડ કરી હતી. રિપોર્ટ્સ મુજબ જેઠાલાલના કહેવા પર મુનમુનને બબીતાજીનો રોલ મળ્યો હતો.
તમને જણાવી દઈએ કે, જેઠાલાલ અને બબીતાજીની મિત્રતા રિયલ લાઈફમાં ઘણાં વર્ષો જૂની છે. દિલીપ જોશી અને મુનમુન દત્તા સીરિયલ તારક મહેતા કા ઉલ્ટા ચશ્માપહેલાંથી જ એકબીજાને ઓળખે છે. દિલીપ અને મુનમુન તારક મહેતા શો પહેલાં પણ કો-સ્ટાર રહી ચૂક્યા છે. હકીકતમાં દિલીપ જોશી અને મુનમુન દત્તા પહેલાં સાથે એક ટીવી શો હમ સબ બારાતીમાં કામ કરી ચૂક્યા છે. વર્ષ 2004માં દિલીપ જોશી અને મુનમુન આ શોમાં કો-સ્ટાર્સ હતા.
મીડિયા રિપોર્ટ્સ મુજબ તારક મહેતાની કાસ્ટમાં તે દિલીપ જોશી જ હતા, જેમણે મુનમુન દત્તાને આ શો માટે ઓડિશન આપવાનું કહ્યું હતું. મુનમુન દત્તાએ પછી શોનું ઓડિશન આપ્યું અને તે શોનો ભાગ બની ગઈ. આજે આ શો ઘર ઘરમાં જાણીતો બન્યો છે અને લોકોને ટીવી પર બંનેની જોડી પણ ખૂબ પસંદ આવે છે.