પોપ્યુલર ટીવી શો તારક મહેતા કા ઉલ્ટા ચશ્માને નેહા મહેતા એટલે કે અંજલિ ભાભીએ અલવિદા કહી દીધું છે. નેહા મહેતાને સુનૈના ફોઝદારે રિપ્લેસ કરી છે. શોમાં અત્યારે તારક મહેતાની પત્નીનો રોલ સુનૈના ફોઝદાર પ્લે કરી રહી છે. સુનૈનાની શોમાં શૈલેશ લોઢા સાથેની કેમેસ્ટ્રી ખૂબ પસંદ કરવામાં આવી રહી છે. આમ તો શોમાં સુનૈના એકદમ ટિપિકલ અને સંસ્કારી પત્નીના રોલમાં જોવા મળે છે, પરંતુ રિયલ લાઈફમાં તે ખૂબ જ બોલ્ડ છે. એક્ટ્રેસ સુનૈનાએ સોશિયલ મીડિયા પર અઢળક તસ્વીરો શેર કરી છે જેમાં તેનો સ્ટનિંગ લુક જોવા મળી રહ્યો છે.
ખૂબ જ બોલ્ડ છે તારક મહેતાની પત્ની અંજલિ મહેતા
ફેશન માટે એક્ટ્રેસિસને પણ પાછળ છોડે છે
સોશિયલ મીડિયા પર એક્ટિવ રહે છે સુનૈના
34 વર્ષીય સુનૈના અવારનવાર ફેન્સ સાથે તેની તસવીરો શેર કરતી રહે છે. ટીવી શોઝમાં ટ્રેડીશનલ રોલ પ્લે કરનાર સુનૈનાનો આ અલગ અંદાજ ફેન્સને ખૂબ જ પસંદ આવી રહ્યો છે.
હકીકતમાં સુનૈનાને એ વાતનો ડર હતો કે શૂટિંગ શરૂ થશે કે નહીં. જેથી તેણે તેના આ નવા પ્રોજેક્ટ વિશે કોઈને જાણકારી આપી નહોતી. સુનૈના તારક મહેતા જોઈન કર્યા બાદ ખુશ અને નર્વસ પણ છે, કારણ કે નેહા છેલ્લા 12 વર્ષથી આ શો સાથે જોડાયેલી હતી. એવામાં તેના પાત્રને રિપ્લેસ કરવું તેના માટે મોટી ચેલેન્જ છે. સુનૈનાનું કહેવું છે કે, હું ઈચ્છું છું કે નેહાના ફેન્સ મને પણ એટલો જ પ્રેમ આપે. હું જાણું છું કે આ ઘણું જ ચેલેન્જિંગ છે. આ મારી ઉપર એક મોટી જવાબદારી છે.
સુનૈના રિયલ લાઈફમાં પરિણિત છે. તેણે લાંબી ડેટિંગ બાદ વર્ષ 2016માં તેના કોલેજ ફ્રેન્ડ કુણાલ ભંવાની સાથે લગ્ન કર્યા. કુણાલ ભંવાની એક બિઝનેસમેન છે. સુનૈનાની લવ સ્ટોરી પણ ઘણી મજેદાર છે. હકીકતમાં સુનૈના અને કુણાલ એકબીજાને કોલેજમાં બિલકુલ પસંદ નહોતા કરતા અને હમેશાં એકબીજાની મજાક ઉડાવતા હતા. જોકે, પછી બંને સારા મિત્રો બની ગયો અને પછી બંનેને પ્રેમ થઈ ગયો.
સુનૈનાએ ટીવી શો સંતાનથી એક્ટિંગ કરિયરની શરૂઆત કરી હતી. ત્યારબાદ સુનૈનાએ સીઆઈડી, સાવધાન ઈન્ડિયા, એક રિશ્તા સાઝેદારી કા, રાજા કી આયેગી બારાત, કુબૂલ હૈ, રહના હૈ તેરી પલકો કી છાંવ મેં અને ફિયર ફાઈલ્સ જેવી ઘણી સીરિયલ્સમમાં કામ કર્યું છે.