ટેલિવિઝનનો મોસ્ટ પૉપ્યુલર કૉમેડી શો 'તારક મહેતા કા ઉલ્ટા ચશ્મા'માં એક મોટો ટ્વિસ્ટ આવશે. શૉના પૉપ્યુલર કેરેક્ટર પત્રકાર પૉપટલાલના લગ્ન થવા જઇ રહ્યા છે પરંતુ આ ખુશીની વાત ઓડિયન્સને ચોંકાવી શકે છે જી હા વાસ્તવમાં પત્રકાર પોપટલાલના લગ્ન કોઇ યુવતી કે મહિલા સાથે નહી પરંતુ ભૂતની સાથે થવાના છે.
વાસ્તવમાં હાલમાં 'તારક મહેતા કા ઉલ્ટા ચશ્મા'માં ડરામણી દુલ્હનનો ટ્રેક ચાલી રહ્યો છે. પોપટલાલને ભૂતથી ખૂબ જ ડર લાગે છે એવાં કોઇ વ્યકિતએ પોપટલાલને કહ્યુ કે ભૂત માત્ર કુવાંરા પુરુષો પર જ હુમલો કરે છે આ વાત જાણ્યા પછી પત્રકાર પોપટલાલની રાતો ઉંઘ ઉડી ગઇ છે.
આગામી એપિસોડમાં દેખાડવામાં આવશે કે પોપટલાલના લગ્ન જબરદસ્તી ભૂતની સાથે કરાવવામાં આવશે. ડરામણી ભૂતની પોપટલાલની સામે લગ્ન માટેનો પ્રસ્તાવ રાખશે પોપટલાલ ભાગવાનો પ્રયત્ન કરશે. પરંતુ ભૂતની નહી માને અને જબરદસ્તીથી પોપટલાલની સાથે લગ્ન કરવાનો પ્રયત્ન કરશે. જે પછી ગોકુલધામના મિત્રો પાસે પોપટલાલ મદદ માંગશે. જોકે હવે જોવાનું રહ્યુ કે શું ખરેખરમાં ગોકુલધામ સોસાયટીના સભ્યો પોપટલાલના ભૂતની સાથેના લગ્ન રોકી શકશે કે નહીં. શોમાં સતત આવી રહેલા આ ટ્વિસ્ટ એન્ટ ટર્ન્સને ઓડિયન્સ ખૂબ જ એન્જોય કરી રહ્યા છે.