તારક મહેતા કા ઉલ્ટા ચશ્મા સીરિયલ 12 વર્ષથી દર્શકોનું મનોરંજન કરી રહી છે. ત્યારે આ સીરિયલ હમેશાંથી દર્શકોની ફેવરિટ રહી છે અને ટીઆરપીમાં પણ આગળ રહી છે. જોકે, હાલ લોકડાઉનને કારણે ટેલિવિઝન જગત ઠપ થઈ ગયું છે અને તમામ શૂટિંગ બંધ છે. પણ હાલમાં જ શોમાં સોનૂનો રોલ પ્લે કરનાર પલક સિધવાનીની સાથે એવી વાત થઈ જે જાણીને ચોંકી જશો.
તારક મહેતા સહિત તમામ સીરિયલનું હાલ શૂટિંગ બંધ
ત્યારે લાઈવ ચેટમાં તારક મહેતાની સોનૂને પૂછ્યો ડેટિંગને લઈને સવાલ
હકીકતમાં લોકડાઉનમાં તારક મહેતાના સ્ટાર્સ પણ સોશિયલ મીડિયા પર વધુ એક્ટિવ રહેવા લાગ્યા છે ત્યારે પલક હાલમાં જ સોશિયલ મીડિયા એકાઉન્ટ પર લાઈવ આવી હતી. આ દરમિયાન લોકોએ તેના ઘણાં સવાલ પૂછ્યા. પરંતુ ઘણાં સવાલોમાંથી એક સવાલ સાંભળીને પલક ચોંકી ગઈ. લાઈવ દરમિયાન એક યુઝરે પલકથી પૂછ્યું શું તમે શોમાં ડો. હાથીના દિકરાનો રોલ નિભાવી રહેલાં કુશ શાહને ડેટ કરી રહી છે.
પલક આ સવાલ સાંભળીને ચોંકી ગઈ. યુઝરના આવા સવાલથી પલકને થોડો ગુસ્સો પણ આવ્યો અને તેણે જવાબ આપ્યો-ગાંડો થઈ ગયો છે શું, એ મારો બહુ જ સારો મિત્ર છે. તમને જણાવી દઈએ કે પહેલાં સોનૂનો રોલ નિધિ ભાનુશાલી પ્લે કરી રહી હતી. જે બાદ તેની જગ્યા પલકે લીધી હતી.
હાલ લોકડાઉનને કારણે તારક મહેતાના રિપીટ ટેલિકાસ્ટથી કામ ચલાવવું પડી રહ્યું છે. હાલ તમામ ટીવી સીરિયલ અને ફિલ્મોની શૂટિંગ બંધ છે અને મુંબઈમાં સતત કોરોના પોઝિટિવ કેસ વધી રહ્યાં છે. જેથી શૂટિંગ ક્યારે શરૂ થશે હાલ તેના વિશે કોઈ જાહેરાત કરવામાં આવી નથી.