ફેમિલી કોમેડી શો તારક મહેતા કા ઉલ્ટા ચશ્માની વાત આવે તો સૌથી પહેલાં આપણાં મગજમાં જેઠાલાલ એટલે દિલીપ જોશીનું પાત્ર આવે છે. શોમાં જેઠાલાલની પત્ની દયાબેન છે પણ તે ઘણી વખત બબીતાજી સાથે ફ્લર્ટ કરતા જોવા મળે છે. સીરિયલમાં આ બંનેની કેમેસ્ટ્રી દર્શકોને ખૂબ જ પસંદ આવે છે. જોકે હાલમાં જેઠાલાલ સામે મલાઇકા અરોરા આવી તો તે બબીતાજી ને ભૂલી ગયા.
હકીકતમાં આ બધું ડાન્સ રિયાલિટી શો ઈન્ડિયાઝ બેસ્ટ ડાન્સરના સેટ પર બન્યું હતું. જ્યાં તારક મહેતા કા ઉલ્ટા ચશ્માની આખી ટીમ પ્રોડ્યુસર અસિત મોદી સાથે પહોંચી હતી. આ દરમિયાન જેઠાલાલે સ્ટેજ પર શોની જજ મલાઈકા સાથે ડાન્સ કર્યો હતો. મલાઇકાએ પણ જેઠાલાલ સાથે ઘણી ધમાલ-મસ્તી કરી હતી.
જ્યારે શો પર જેઠાલાલને નવા દયાબેન પણ મળી ગયા છે. શોની એક સ્પર્ધક રુતુજા જુનારકરે દયાબેનના અંદાજમાં એવો ડાન્સ કર્યો કે શોના પ્રોડ્યૂસર અસિત મોદી શોમાં દયાબેન બનીને આવવાની ઓફર કરી દીધી હતી.