'તારક મહેતા કા ઉલ્ટા ચશ્મા' ટીવી શો છેલ્લા 12 વર્ષોથી લોકોને હસાવી રહ્યો છે, પરંતુ છેલ્લા ત્રણ વર્ષોથી આ શોનું મહત્વપૂર્ણ પાત્ર અને જેઠાલાલની પત્ની 'દયા બેન'ને આ શોમાં દર્શકો ખૂબ જ મિસ કરી રહ્યા છે. દયા બેનનું પાત્ર ભજવનાર એક્ટ્રેસ દિશા વાકાણી માતા બન્યા બાદથી જ શોમાં પરત નથી ફરી. પણ હવે એવું લાગે છે કે જેઠાલાલને તેમની 'નવી દયા' મળી ગઈ છે. એટલું જ નહીં શોના પ્રોડ્યૂસર અસિત કુમાર મોદીએ પણ આ નવી દયા બેનને શોમાં લાવવાની વાત કરી દીધી છે.
જેઠાલાલને મળી ગઈ તેની નવી દયા
શોના પ્રોડ્યૂસર અસિત મોદીએ નવી દયા બેનને શોમાં લાવવાની વાત કરી
હકીકતમાં આ બધુ 'ઈન્ડિયાઝ બેસ્ટ ડાન્સર' નામના રિયાલિટી શોના સેટ પર થવાનું છે, જ્યાં 'તારક મહેતા કા ઉલ્ટ ચશ્મા'ની આખી ટીમ આ વીકેન્ડ પર જોવા મળશે. એવામાં આ શોની કન્ટેસ્ટન્ટ રૂતુજા જુનારકર 'દયા બેન'ના અંદાજમાં શોમાં ડાન્સ કરતી જોવા મળશે. રુતુજા 'દયા બેન'ના અવતારમાં 'જેઠાલાલ' એટલે કે એક્ટર દિલીપ જોશીને 'ટપ્પુ કે પાપા' પણ કહેતા જોવા મળશે.
રૂતુજા આ અંદાજમાં એટલી જબરજસ્ત લાગી રહી છે કે તેનાથી ઈમ્પ્રેસ થઈને શોના પ્રોડ્યૂસર તેને પોતાના શોમાં મોકલવાની વાત કરે છે. રુતુજા અને દિલીપ જોશી શોના સેટ પર ગરબા પણ કરતા દેખાય છે.
આ પહેલા સીરિયલમાં બબીતાનો રોલ પ્લે કરનાર મુનમુન દત્તાએ ઘણી બધી તસવીરો ઈન્સ્ટાગ્રામ પર શેર કરી છે. તેમજ શોના જજ મલાઈકા અરોરા, ગીતા કપૂર અને ટેરેન્સ લુઈસની પ્રસંશા પણ કરી છે. ત્યારે ઈન્ડિયાઝ બેસ્ટ ડાન્સર અને તારક મહેતા કા ઉલ્ટા ચશ્માના કલાકારોનું મહાસંગમ શનિવારે અને રવિવારે રાતે 8 વાગ્યે જોવા મળશે.