તારક મહેતા કા ઉલ્ટા ચશ્મામાં ગોલીનો રોલ કરનારો કુશ શાહનો કોરોના રિપોર્ટ પોઝિટિવ આવ્યો છે.
તારક મહેતા...ને પણ નડ્યું કોરોનોનું સંક્રમણ
એક્ટર કુશ શાહનો કોરોના રિપોર્ટ પોઝિટિવ
જાણો શુટિંગને લઈને શું કહ્યું અસિત મોદીએ
ટીવીનો પોપ્યુલર કોમેડી શો તારક મહેતા કા ઉલ્ટા ચશ્માના સ્ટાર્સ એક પછી એક કોરોનાની ઝપેટમાં આવી રહ્યા છે. શોમાં ડો. હાથીના દીકરા ગોલીનો રોલ કરનારા કુશ શાહનો કોરોના રિપોર્ટ પોઝિટિવ આવ્યો છે. નવી ગાઈડલાઈન્સના અનુસાર દરેક શોના સ્ટાર્સ અને મેમ્બર્સે શૂટ પહેલા કોરોના ટેસ્ટ કરાવવાનો રહે છે. એપ્રિલ 9એ કાસ્ટ અને ક્રૂ મેમ્બરની સાથે 110 મેમ્બરનો આરટીપીસીઆર ટેસ્ટ થયો હતો. આ સમયે કુશ અને ટીમના 3 સભ્યોનો પણ કોરોના પોઝિટિવ રિપોર્ટ આવ્યો છે.
અસિત મોદીએ કહ્યું આવું
હાલમાં જ સાસ, બહુ અને બેટિયાને આપેલા એક ઈન્ટરવ્યૂમાં અસિત મોદીએ કહ્યું કે અમે શૂટ પર સાવધઆની રાખીએ છીએ. કોઈપણ થોડું બીમાર લાગે તો તેને શૂટ પર આવવાની મનાઈ કરી દઈએ છીએ. કુશ શાહ જે ગોલીનો રોલ કરી રહ્યો છે અને પ્રોડક્શનના કેટલાક લોકોનો રિપોર્ટ પોઝિટિવ આવ્યો છે. મેન કાસ્ટમાં કોઈ પણ પોઝિટિવ નથી. આ સાથે તેઓએ એમ પણ કહ્યું છે કે તેમના જે કલાકારો પોઝિટિવ આવ્યા છે તે હોમ ક્વોરન્ટાઈન છે. હાલમાં 15 દિવસ સુધી કોઈ શૂટિંગ થશે નહીં. જનતા કર્ફ્યૂ બાદ પણ થોડા દિવસ શૂટિંગ બંધ રહેશે. અનેક શો મેકર્સે ફિલ્મનું શુટિંગ મુંબઈને બદલે ગોવામાં શૂટિંગનો પ્લાન કર્યો છે. અસિતે આવું કર્યું નથી. તેમનું કહેવું છે કે ટીમની સેફ્ટીને કોઈ રિસ્ક આપશે નહીં. તે થોડો સમય રોકાશે અને પછી આગળની કામગીરીને લઈને નિર્ણય લેશે.
તેલૂગૂ અને મરાઠીમાં પણ આવશે શો
આ શો હવે જલ્દી જ તેલૂગૂ અને મરાઠી વર્ઝનમાં પણ રીલિઝ થવાનો છે. આ બંને ભાષામાં આ શોને રીલિઝ કરવા માટેનો હેતુ છે કે રીજનલ દર્શકો સુધી પહોંચી શકાય. એટલું જ નહીં મેકર્સની યોજના છે કે અન્ય ક્ષેત્રીય ભાષામાં આ શોને લાવવામાં આવે. શોના તેલૂગુ અને મરાઠીના કેટલાક એપિસોડ યૂટ્યૂબ પર સ્ટ્રીમ કરી દેવાયા છે. Gokuldhamchi Duniyadariaના 10 એપિસોડ છે તો Tarak Mama Ayyo Ramaના 8 એપિસોડ મેકર્સે અપલોડ કરી દીધા છે.