ટેલિવૂડ / તારક મહેતામાં ગોકુલધામવાસીને મળશે ન્યૂ યરની સ્પેશિયલ ગિફ્ટ, આ બોલિવૂડ સ્ટાર્સ કરશે શોમાં એન્ટ્રી

• તારક મહેતામાં થશે ન્યૂ યરની ગ્રાન્ડ પાર્ટી
• ગોકુલધામવાસીઓને મળશે સ્પેશિયલ ગિફ્ટ
• શોમાં સ્પેશિયલ ગેસ્ટ એન્ટ્રી થવાની છે

તારક મહેતામાં અજય-દેવગણ અને કાજોલ આવવાના છે. તેઓ પોતાની અપકમિંગ ફિલ્મ 'તાનાજી ધ અનસંગ વૉરિયર'ના પ્રમોશન માટે સીરિયલના સેટ પર પહોંચશે. ગોકુલધામ સોસાયટીમાં અજય અને કાજોલનું જોરદાર વેલકમ કરવામાં આવશે. 

શોમાં ટપુ સેના શાનદાર ડાંસ પર્ફોમન્સ આપવાની છે. ટપુ સેના ફિલ્મ 'તાનાજી ધ અનસંગ વૉરિયર'ના સોન્ગ શંકરા રે શંકરા પર ડાંસ કરશે. સોશિયલ મીડિયા પર ટપુ સેનાના પર્ફોમ કરતી તસવીરો વાયરલ થઈ રહી છે. 

શોમાં સોનુના રોલમાં જોવા મળતી પલક સિધવાનીએ કહ્યું, 'અમને ડાંસ કરવો ખૂબ જ પસંદ છે, પણ જ્યારે અમને ખબર પડી કે અજય અને કાજોલ માટે પર્ફોમ કરવાનું છે તો અમે બધાં ખૂબ જ એક્સાઈટેડ થઈ ગયા. અમે કોરિયોગ્રાફી અને તૈયારીમાં બહુ મહેનત કરી છે. અમારા સ્પેશિયલ ગેસ્ટને આ પર્ફોમન્સ પસંદ આવી અને તેમણે તેની પ્રશંસા પણ કરી હતી.'

ગોકુલધામમાં વર્ષ 2020ની શરૂઆત રૂટિન કામથી થશે. જ્યારે આત્મારામ ભિડે અખબાર વાંચશે અને કોઈને બોલાવવા અંગે વિચારશે. તે આખી ગોકુલધામ સોસાયટીને સરપ્રાઈઝ આપવાનો પ્લાન બનાવશે. તે પોપટલાલ સાથે મળીને અજય અને કાજોલને સોસાયટીમાં બોલાવવાની તૈયારી કરશે. ઉલ્લેખનીય છે કે, શોમાં દયાબેનની એક ઝલકે શોમાં નવી જાન ફૂંકી દીધી છે અને શો ટીઆરપી રેટિંગ્સમાં પણ ટોપ પર છે.