જે શૉને જોઇને બાળકો મોટા થઇ ગયા અને જવાનો આધેડ ઉંમરના થઇ ગયા તે શૉ એટલે તારક મહેતા કા ઉલ્ટા ચશ્મા.. શૉમાં ટપ્પુ સેનાને છોડીને તારક-અંજલિ, જેઠા-દયા, બબિતા-ઐયર, ભીડે-માધવી કપલ છે જ્યારે પોપટલાલ બેચલર છે અને પોતાના માટે દુલ્હન શોધી રહ્યાં છે. શૉમાં કેટલાક પાત્રો એવા છે કે જે સિરીયલમાં પરિણીત છે પરંતુ અસલી જીવનમાં બેચલર છે.
તારક મહેતાના પાત્રો છે બેચલર
બબિતાજીથી હાથી સુધી બેચલર્સ
પોપટલાલ અસલ જીવનમાં છે પરણીત
તારક મહેતાના બેચલર પાત્રોમાં સૌથી પહેલું નામ આવે છે બિબતાજી એટલે કે મુનમુન દત્તાનું. મુનમુનના અફેરની ખબરો સામે આવતી જ રહે છે પરંતુ હાલમાં તેનું નામ રાજ અનડકટ કે જે શૉમાં ટપ્પુનુ પાત્ર ભજવે છે તેની સાથે ચર્ચાય છે. રાજ અને મુનમુન એક બીજાને ડેટ કરી રહ્યાં છે. કોરોના પહેલા તે એકબીજા સાથે લંચ અને ડિનર લેતા જોવા મળ્યા હતા.
રાજ ટીવી ઇન્ડસ્ટ્રીમાં ખૂબ જાણીતું નામ છે. એક રિશ્તા સાઝેદારી કા શૉથી ઇન્ડસ્ટ્રીમાં ડગ માંડ્યા હતા. બંનેની મુલાકાત તારક મહેતા.. દરમિયાન જ થઇ હતી. આ પહેલા બિગબોસ કન્ટેસ્ટ્ન્ટ રહી ચૂકેલા અરમાન કોહલી સાથે પણ બબિતાજીનું નામ ચર્ચાયુ હતુ.
તારક મહેતાની ઓનસ્ક્રીન પત્ની અંજલિ મહેતા એટલે કે નેહા મહેતા પણ રિયલ લાઇફમાં બેચલર છે. નેહા થોડા સમય પહેલા કોઇની સાથે રિલેશનશીપમાં હતી પરંતુ હવે તે બેચલર છે.
શૉમાં બબિતાજીના પતિની ભૂમિકા નીભાવી રહેલા ઐયર એટલે કે તનુજ મહાશબ્દે પણ હજૂ સુધી સિંગલ છે. શૉમાં બબિતા જેવી સુંદર પત્ની ધરાવે છે અને અસલ જીવનમાં તનૂજ બેચલર છે અને પોતાની દુલ્હનિયા શોધી રહ્યાં છે.
શૉનું મોસ્ટ રોમાન્ટિક કેરેક્ટર એટલે રોશન સિંઘ સોઢી. રોશન સિંઘ સોઢીનું અસલી નામ ગુરુ ચરણ સિંઘ છે અને તે અસલી પંજાબી છે. ગુરુ ચરણ સિંહ પણ પોતાના માટે રોશન શોધી રહ્યો છે. તે હજૂ પણ બેચલર છે.
શૉમાં ડૉક્ટર હાથીનું પાત્ર ભજવનાર નિર્મલ સોનીને પણ લાઇફ પાર્ટનરની રાહ છે. ડૉક્ટર હાથીનું પાત્ર પહેલા કવિ કુમાર આઝાદ ભજવતા હતા પરંતુ તેમના મોત બાદ નિર્મલ સોનીને હાથીનું પાત્ર મળ્યું હતું.