ટેલિવૂડ / તારક મહેતામાં માધવી અને ભિડે વચ્ચે થયો વિવાદ, હવે શું આવશે તેનું પરિણામ?

• માધવી અને ભિડે વચ્ચે થયો વિવાદ
• સોનુએ પિતાના કર્યા વખાણ
• માધવીએ જણાવી ભિડેની ભૂલો

તારક મહેતામાં સોનાલિકા ભિડે એટલે કે સોનુ તેના માતા પિતા માધવી અને ભિડેની વચ્ચે ઘરેલૂ કામકાજ મામલે સોનુ પોતાનો મંતવ્ય જણાવે છે. આ દરમિયાન જજ બનેલી સોનુ ભિડેનો પક્ષ લઈને કહે છે કે, એક પિતા દરેક દીકરીના લાઈફમાં હીરો હોય છે અને મારી પણ લાઈફમાં મારા પિતા મારા હીરો છે. દીકરીના મોઢેથી આ વાત સાંભળી માધવી ચિંતિત થઈ જાય છે. તેને લાગે છે કે, તેની દીકરીએ તેનું નામ જ ન લીધું. જોકે, પછી સોનુ માધવીને આ બાબતે સાંત્વના આપે છે. 

સોનુ તેની માથી કહે છે કે, એ તેને પણ ખૂબ જ પ્રેમ કરે છે. જોકે, સોનુએ પિતાનું નામ પહેલાં લીધું હોય છે એટલે ભિડેને અભિમાન આવી જાય છે અને તે પત્ની માધવીને ઘરના કામકાજમાં બેદરકારી કરવાનો આરોપ લગાવે છે. ત્યારે માધવી આ અંગે સ્પષ્ટતા કરતાં કહે છે કે, ઘરમાં નાની નાની બાબતોની અવગણના કરવી જોઈએ, જેમ કે વર્ષોથી તે પણ ભિડેના વ્યવહાર અને બેદરકારીના સ્વભાવને ચલાવી રહી છે. માતા-પિતા વચ્ચે થતી બોલાચાલી જોઈને સોનુ બંનેની વચ્ચે પડે છે અને આ વિવાદમાં મધ્યસ્થીની ભૂમિકા ભજવે છે. 

હવે આગામી એપિસોડમાં એ જોવાની મજા આવશે કે માધવી અને ભિડેની વચ્ચે ચાલી રહેલો વિવાદ ખતમ થશે કે પછી દીકરીએ પિતાના કરેલાં વખાણથી તે માધવીને ચિડવતો રહેશે અને શું સોનુ પિતાનો પક્ષ લેવા પર માધવીને શાંત કર શકશે. આ તમામ સવાલોનો ખુલાસો આગામી એપિસોડમાં થશે. જે દર્શકો માટે જબરદસ્ત સરપ્રાઈઝ લઈને આવશે.