સકારાત્મકતા / ગળાડૂબ દેવામાં ડૂબી ગયા હતા TMKOCના આ એક્ટર, બચવા માટે કર્યું આ કામને કિસ્મત પલટાઈ

• તારક મેહતા કા ઉલ્ટા ચશ્મા શોનો આ અભિનેતા દેવામાં ડૂબેલો
• લેણદારોથી બચવા માટે અભિનેતાએ કર્યુ આ કામ
• ગુરૂચરણ સિંહે છ મહિનાની અંદર સિરિયલમાં રોલ મેળવ્યો

અભિનેતા શોને પ્રસિદ્ધી તરફ લઇ ગયા

શો તારક મહેતા કા ઉલ્ટા ચશ્મામાં હંમેશા પાર્ટી માટે તૈયાર રહેતા અને પોતાની પત્નીને ખૂબ પ્રેમ કરનારા રોશન સિંહ સોઢીનું અસલી નામ ગુરૂચરણ સિંહ છે. ગુરૂચરણ સિંહ પોતાના બિન્દાસ્ત અંદાજથી શોને વધુ પ્રસિદ્ધી તરફ લઇ ગયા છે. આજે ભલે તેઓ આ શોનો ભાગ નથી. પરંતુ જ્યારે પણ રોશન સિંહ સોઢીની વાત આવે છે ત્યારે સૌપ્રથમ ગુરૂચરણ સિંહનો ચહેરો સામે આવે છે. જીવનમાં આટલી સિદ્ધી પ્રાપ્ત કર્યા પહેલાં ગુરૂચરણ સિંહ મુશ્કેલીમાં ફસાયા હતા. તેમણે મજબુરીમાં મુંબઈ આવવુ પડ્યુ હતુ.

લેણદારો પડ્યા હતા પાછળ

ક્યારેક રોશન સિંહ સોઢીનું પાત્ર ભજવનારા ગુરૂચરણ સિંહે તાજેતરમાં પોતાના એક લાઈવ વીડિયોમાં જણાવ્યું હતુ કે તેમણે એવા સમયે મુંબઈની ધરતી પર પગ મુક્યો હતો. જ્યારે તેમના માથા પર દેવુ ચઢી ગયુ હતુ. લોકો પૈસા માંગવા માટે તેમની પાછળ પડ્યા હતા. ગુરૂચરણ સિંહને ગમે ત્યાંથી આશા મળી ત્યારે તેઓ મુંબઈ ગયા અને છ મહિનાની અંદર તેમને તારક મેહતા કા ઉલ્ટા ચશ્મામાં રોલ મળ્યો.

શોને કહી દીધુ છે અલવિદા

શોના પ્રારંભથી જ ગુરૂચરણ સિંહ તેનો ભાગ હતા. વર્ષ 2013માં તેમણે શોને અલવિદા કહ્યુ હતુ. પછી દર્શકોની માંગણીને ધ્યાનમાં રાખી તેમને 2014માં પાછા લાવવામાં આવ્યા હતા. પરંતુ છ વર્ષ કામ કર્યા બાદ તેમણે ફરી એક વખત વર્ષ 2020માં શોને અલવિદા કહી દીધુ. ત્યારબાદ તેમની જગ્યાએ બલવિન્દર સિંહ સૂરી આવ્યાં અને તેઓ સારી રીતે રોશન સિંહ સોઢીનુ પાત્ર નિભાવી રહ્યાં છે.