પોપ્યુલર ટીવી શો તારક મેહતા કા ઉલ્ટા ચશ્મામાં જેઠાલાલનું પાત્ર ભજવનારા જાણીતા અભિનેતા દિલીપ જોશીની આ વર્ષની દિવાળી ખૂબ જ રસપ્રદ અને યાદગાર રહી છે. દિવાળીના શુભ પર્વ પર દિલીપ જોશીએ એક લક્ઝરી કાર ખરીદી છે. ઘરમાં નવી કારનું સ્વાગત કરીને દિલીપ જોશી અને તેનો પરિવાર અત્યંત ખુશ છે.
જેઠાલાલનું પાત્ર ભજવનારા દિલીપ જોશીની દિવાળી ખૂબ જ યાદગાર રહી
દિવાળીના શુભ પર્વ પર દિલીપ જોશીએ એક લક્ઝરી કાર ખરીદી
લક્ઝરી કારની કિંમત આશરે 12.29 લાખ રૂપિયા
કારમાં છે આ વિશેષતાઓ
દિલીપ જોશીએ બ્લેક કલરની Kia Sonet subcompact SUV કાર ખરીદી છે. આ કારની કિંમત આશરે 12.29 લાખ રૂપિયા છે. અભિનેતાએ દિવાળીના સ્પેશિયલ પ્રસંગે નવી ચમકતી કારને પોતાના ઉત્સાહનો ભાગ બનાવ્યો છે. Kia સોનેટ કારની વાત કરીએ તો આ કાર પોતાના સેગમેન્ટની સૌથી વધુ પસંદ થનારી કારમાંથી એક છે. આ કારનું મૉડલ પોતાની સ્પોર્ટી ડિઝાઈન સહિત ઘણાં શાનદાર ફીચર્સ માટે પણ ઓળખાય છે.
તારક મેહતા કા ઉલ્ટા ચશ્મા શોમાં દિલીપ જોશી જેઠાલાલના પાત્રને સારી રીતે નિભાવી રહ્યાં છે. દર્શકો તેમના કેરેક્ટરને શોમાં ખૂબ પસંદ કરી રહ્યાં છે. શોમાં મુનમુન દત્તાને પણ લોકો ખૂબ પસંદ કરી રહ્યાં છે. સ્ટારકાસ્ટ સિવાય શોની સિમ્પલ સ્ટોરીલાઈને પણ ચાહકોનું દિલ જીતી લીધુ છે.
આ શો ટીવીનો સુપરહિટ શો
તારક મેહતા કા ઉલ્ટા ચશ્મા શોનો ચાહકવર્ગ ખૂબ મોટો છે. ટીઆરપીની યાદીમાં આ શો બધા શોને ટક્કર આપે છે. આ શોને દર્શકોનો અભૂતપૂર્વ પ્રેમ મળી રહ્યો છે. આ શોનો ટીવીના સૌથી સુપરહિટ અને ફેવરીટ શોમાં સમાવેશ થાય છે. જેને ધર્મેશ મહેતા, ધીરજ પલશેતકર અને માલવ રાજદાએ ડાયરેક્ટ કરી છે.