બોલિવૂડની મુન્ની એટલે કે એક્ટ્રેસ મલાઈકા અરોરાની જબરદસ્ત ફેન ફોલોઈંગ છે. અત્યારે મલાઈકા ટીવી રિયાલિટી શો 'ઈન્ડિયાઝ બેસ્ટ ડાન્સર' માં જજ તરીકે જોવા મળી રહી છે. મલાઈકા શોમાં કન્ટેસ્ટન્ટને જજ કરવાની સાથે ઘણી વખત સ્ટેજ પર ઠુમકા લગાવતી પણ જોવા મળે છે. ત્યારે આ વીકેન્ડમાં ફરી એક વખત મલાઈકા ધમાલ કરતી જોવા મળશે. તારક મેહતા કા ઉલ્ટા ચશ્માની ટીમ આ વખતે મંચ પર પહોંચવાની છે. જ્યાં બાપુજી મલાઈકા અરોરાની સાથે ઠુમકા લગાવતા જોવા મળશે. આ જોઈને જેઠાલાલ શરમથી પાણી પાણી થઈ ગયો અને આંખો બંધ કરી દે છે.
આ અઠવાડિયે ઈન્ડિયાઝ બેસ્ટ ડાન્સરના મંચ પર 'તારક મેહતા કા ઉલ્ટા ચશ્મા'ની ટીમ પહોંચશે. શોમાં ફુલ ટૂ ધમાલ જોવા મળશે. શો સાથે જોડાયેલા પ્રોમો વીડિયો વાયરલ થઈ રહ્યાં છે. જેમાં મલાઈકા અરોરા બાપુજી સાથે ડાન્સ કરતી જોવા મળી રહી છે.
બાપુજી મલાઈકાની સાથે અનારકલી ડિસ્કો ચલી સોન્ગ પર ડાન્સ કરતા જોઈ જેઠાલાલ તેની આંખો બંધ કરી દે છે. વીડિયોમાં તારક મેહતાની ટીમ ખૂબ મસ્તી કરતા જોવા મળી રહી છે. જેઠાલાલથી લઈને શોના અન્ય સભ્યો પણ મલાઈકા અરોરાની સાથે ખૂબ ડાન્સ કરે છે. તમને જણાવી દઈએ કે તારક મહેતાના પ્રોડ્યૂસર અસિત મોદી પણ ટીમની સાથે શો પર પહોંચશે.